Popular Bible Verses from Mataio 5

Share

Uiaba nole disirik abele lamepa, a iketilu muige abele kumete; epe iketilu abele lamepa ra uteb, iaueakai datki nagri le uridili abele meta ge. Uaba datki mokakalam le la opem, iaueakai uiaba erdali uaba debe tonar, uiaba naospered uaba Aba emeri kotor ge.

Uaba gesep datki. Umer kak ispili abele uteb tumge paser ge.

Uerkab uader le og kak nerkep; abelelam uiaba abi erdali abele Ade.

Uerkab uader le uererege a niap ge abele barkak tonarlam; abelelam uiaba gem osmeda.

Epe kaka uabi daratagerare, Uaba abi nasenase uiaba le giz uabi ueku, uaba debe mer ikuar uader le uabi adud mer egali, uaba abi nasenase uader le uabi deralu, uaba abi esorerapare uader le uabi bes mer gako uabi dedkoli

Uerkab uader le gebegeb nerkep; abelelam uiaba uteb kotor baselaia.

Uerkab uader le demeger abele mapodanuem; abelelam nei atkeroa Ade ra uerem giz.

Uerkab uader le okasosok; abelelam nagri uiaba okadraseked.

Uerkab uader le dedkoli abele barkak tonarlam; abelelam uiaba nagri kotor baselaia.

Uerkab uader le nagri nasenas; abelelam E uiabi ko nasenas.

Uerkab uaba ese uiaba adud mer uabim, a uabi dedkoeda a bes mer uabim, a gaire adud uridili uabim karielam. Uaba sererege a bapereker; abelelam uaba nagri au bodomalam kotor baselaiaim; abelelam uiaba ikerare mokakalam gaire perofeta giz kekiam uabim.

Uerkab uader le mapodan tonar; abelelam uiaba nagri gobar atagor abele ged.

Ege uaba gesep ra sol; ese sol nole kurabkurab a nade lu uaba kurabem? nolea nerute lu ko abkoreb ikerare no bataueret adem a le esapili.

Dasmerare, abkoreb uaba debe tonar kemerkemer, mokakalam uaba Baba emerilu kotor ge, E debele kemerkemer.

Epe uaba mer mokakalam, Uao, uao; Nole, nole; abelelam abele mer aule gaire mer, abara giz adudelam.

Ua aserare uiaba mer, Bodomalam abele pone, nerute pone, a bodomalam abele tereg nurute tereg; Epe kakanale uabi detagerare, Uaba nole imara abele adud; ese nerute le mara tuter peik bage erese, ma ko batauerik nerute.

Ese mara tuter pone mari nadkoli ma dekeamur a adem; abelelam debele nerute mog mara gem abi, a adud batauered mara gem kemerkemer Genaim. Ese mara tuter tag mari nadkoli, ma isimi adem, abelelam debele nerute mog mara gem abi, a adud batauered mara gem kemerkemer Genaim.