Popular Bible Verses from ULANGEN 6

Share

Kelengilah TUHAN Dibatandu asa ukurndu, asa tendindu, asa gegehndu lit.

Ajarkenlah e man anak-anakndu. Persingetilah rusur, subuk sanga kam i rumah, ntah sanga kam i bas perdalanen, subuk sanga kam ngadi-ngadi ntah pe sanga kam erdahin.

Ola ndigan pe lupaken kerina perentah-perentah si kubereken sendah man bandu.

O Israel ingetlah enda! Maka TUHAN si sada e kap ngenca Dibatanta!

Iketkenlah undang-undang e i bas pergelangen tanndu pakeken i bas perdempakenndu, gelah jadi persinget man bandu.

Suratken e i bas binangun pintun rumahndu ras i babo pintu gerbangndu.”

Mbiarlah man TUHAN Dibatandu. IA sajalah ngenca sembah. Erpadanlah i bas gelarNa saja.

“Bagi si ipadanken TUHAN Dibatandu man nini-ninindu Abraham, Isak, ras Jakup, maka IA mereken man bandu sada negeri rikut ras kuta-kuta si mbelin ras mehuli si labo kam majekkenca. I bas kerina rumah e melala barang si mehuli, si la bekasndu namakenca i je; idapetindu sumur la bekasndu ngkali, ras peken anggur ras saitun la bekasndu nuan. Kenca ibaba TUHAN kam ku negeri e, janah enggo sikap kerina i je si man panganndu, jaga maka ola kam lupa TUHAN si mulahi kam i taneh Mesir nari, sanga kam jadi budak i je.

“Enda me kerina undang-undang si iperentahken TUHAN Dibatandu man bangku, gelah kuajarken man bandu. Ikutken lah kerina undang-undang e, i bas negeri si nandangi iinganindu. Kidekah geluhndu, arus maka kam ras sinursurndu erkemalangen man TUHAN Dibatandu, dingen ngikutken undang-undangNa si Kubereken man bandu, gelah nggedang umurndu i bas negeri e.

Dahiken lah kai si mehuli ras payo bagi si ikataken TUHAN gelah mejuah-juah kam. Alu bage ngasup kam muat taneh si mehumur e jadi sikerajangenndu, taneh si enggo ipadanken TUHAN man nini-ninindu.

Adi isembahndu dibata-dibata si deban e, pernembeh TUHAN reh man bandu bagi api, ngkernepken kam kerina, erkiteken TUHAN Dibatandu percimberu tuhu-tuhu.

Ola nembah man dibata-dibata si deban, dibata-dibata kalak si tading i sekelewetndu.

Ola cubai TUHAN Dibatandu bagi perbahanndu sanga kam i Massa.