Popular Bible Verses from PERBAHANEN RASUL-RASUL 2

Share

Erjabap Petrus man bana, “Jeralah janah alokenlah peridin i bas gelar Jesus Kristus, gelah dosa-dosandu ialemi Dibata, janah ialokenndu pe pemereNa e me Kesah Si Badia.

Perpulungen e tutus megiken pengajaren i bas rasul-rasul nari. Nggeluh ia sikeleng-kelengen bagi si ersenina. Ras-ras ia ncepik-ncepik roti dingen ras-ras pe ia ertoto man Dibata.

Kerina si pulung e dem alu Kesah Si Badia janah ngerana ia i bas cakap si deban, bagi ibere Kesah e ia ngerana.

Paksa si e rempet lit sora terbegi reh i langit nari bagi sora angin rembus erdeso. Sora ndai ndemi rumah inganna pulung e. Kenca bage lit idah kalak ndai tempa-tempa bagi dilah api merap kujah-kuje encinepi ia sada-sadai. Kerina si pulung e dem alu Kesah Si Badia janah ngerana ia i bas cakap si deban, bagi ibere Kesah e ia ngerana.

Alu ersada ukur tep-tep wari ia pulung i bas Rumah Pertoton. Ras-ras ia kerina man i bas rumahna alu meriah dingen ukur meteruk. Ipujina Dibata, janah kerina kalak erngena ate man perpulungen e. Tep-tep wari itambahi Tuhan ku perpulungen e kalak si iselamatkenNa.

‘Enda me pagi si kubahan i bas wari-wari pendungi nina Dibata, Kucurcurken pagi KesahKu man kerina manusia. Anakndu si dilaki ras si diberu ernubuat; anak perana si lit i tengah-tengahndu ngidah pengenehenen janah; kalak si enggo metua si lit i tengah-tengahndu ngaloken nipi.

Kerina kalak si enggo tek man Jesus e tetap pulung ras-ras janah kai si lit i bas ia ipakena ras-ras. Idayakenna taneh ras erta-ertana janah duitna ibagi-bagikenna sue ras keperlun sekalak-sekalak.

Janah ise pe si ernalem man kuasa Tuhan terkelin me!’

matawari jadi gelap, janah bulan megara bagi dareh, ope denga seh wari kerehen Tuhan, wari si mbelin dingen mulia.