Popular Bible Verses from MAHTE 7

Share

“Hpyi mu, shaloi nanhte lu na myit dai; tam mu, shaloi nanhte mu lu na myit dai; akawk mu, shaloi nanhte a matu chyinghka hpaw ya na ra ai.

Hpa majaw nga yang, hpyi ai wa kadai mung lu la ai; tam ai wa kadai mung mu la ai; akawk ai wa hpe mung chyinghka hpaw ya na wu ai.

“Ndai nye a ga na nna hkan galaw ai wa kadai mung, tinang a nta hpe lunghkrung ntsa e gap da ai hpaji rawng ai wa hte bung nga ai.

“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai.

Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

“Dai gyip ai chyinghka hku shang mu, hpa majaw nga yang, ngarai mung de hkrang ai chyinghka lam gaw dam lada rai nna loi nga ai majaw dai hta shang mat wa ai ni law la ma ai.

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

“Karai Kasang e jeyang ai n hkrum myit ga, masha kaga ni hpe hkum jeyang myit, hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

Rai ti mung, nye a ga na nna n hkan galaw ai wa kadai mung, tinang a nta hpe zaibru jang e gap da ai masha angawk hte bung nga ai.

Dai rai yang nanhte gaw tinang a myi hta rawng ai hpun tawng hpe n myit shakru ya ai mi, na nhpu nnau wa a myi hta rawng ai nbun hpe, hpa rai yu nga n ta? Na a myi hta hpun tawng rawng nga nlen, ‘chyeju hte na a myi hta na nbun hpe ngai lai kau ya de ga,’ ngu nna na nhpu nnau wa hpe nang kaning rai tsun gwi lu n ta?

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu. Shanhte galaw ai sat lawat asi hte shanhte hpe nanhte chye lu na marin dai. Ju hpun ni hta na maihpang si di la lu a ni?

Dai rai nna hkam kaja ai hpun shagu hta kaja ai asi si nga ai rai nna, hpun daw wa ai hpun chyawm gaw n ja ai asi si nga ai.

Kaja ai hpun gaw n ja ai asi si lu ai n rai, hpun daw wa ai hpun mung, ja ai asi si lu ai n rai.

Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.