Popular Bible Verses from MAHTE 5

Share

Pyengdin langai mi hpe shatu nhtawm mung npu e kadai n tawn da yu ai. Shing rai na malai, nta masha ni yawng hpe nhtoi jaw lu hkra, pyengdin shadun hta tawn da ga ma ai. Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

Nanhte gaw mungkan ting a matu ninghtoi rai nga myit dai. Bum ntsa e de da ai mare hpe shinggang lu na n rai.

“Myit masin san seng ai ni gaw a lu ma ai; hpa majaw nga yang, shanhte gaw Karai Kasang hpe mu lu na maru ai!

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

“Ngwi pyaw simsa lam a matu galaw gunhpai ai ni gaw a lu ma ai; hpa majaw nga yang, shanhte hpe Karai Kasang a kasha ni, ngu nna shamying na maru ai!

“Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

Karai Kasang a myit ra ai lam hte maren galaw ai majaw zingri zingrat hkrum ai ni gaw a lu ma ai; hpa majaw nga yang, sumsing lamu a mungdan shanhte a mungdan rai nga malu ai!

“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

“Nanhte nye a hpang hkan nang ai ni re ai majaw, nanhte hpe masha ni asawng asang di nna zingri zingrat nga ma ai hte masu ai hku hkan let mara amyu myu shagun da myit dai shaloi e, nanhte a lu myit dai; “Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

“Myit sumnung ai ni gaw a lu ma ai; hpa majaw nga yang, shanhte gaw Karai Kasang ga sadi jaw da ai lamu ga hpe madu lu na mara ai!

Nanhte gaw dinghta shinggyim masha yawng a matu jum hte bung nga myit dai. Dai jum mahtang hkawng mat yang gaw dai hpe bai jashum la lu na lam n nga ai. Shinggan de kabai kau nna masha ni e kabye kau na hta kaga, hpa asung mi n shang lu ai.

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

‘Myi a matu myi, wa a matu wa, bai htang lu na,’ nga nna tsun da ai ga hpe nanhte na yu manit dai. Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

Dai rai nna, na a hkra maga na myi nang hpe mara galaw shangun n-yang gaw, dai hpe malawk nna kabai kau u! Na a hkum ting hpe ngarai mung de jahkrat kau ai hkrum na hta na a hkum daw langai mi hten na gaw grau kaja nga ai. Na hkra maga na lata nang hpe mara galaw shangun n-yang gaw, dai hpe kahtam dut nna kabai kau u! Na hkum ting hpe ngarai mung de jahkrat kau ai hkrum na hta, na a hkum daw langai mi hten na gaw grau kaja nga ai.