Popular Bible Verses from मर्कुस 14

Share

कालाउ येसु आसा दुरे हानितेङ भोनोइता तिरु थोतेङ परमेस्वरता प्रार्थाना पाघाहि, काङको आबा, नाङको योजानाता इदोइ जेङलि दोनु का ह्रुता लोका दुखसो बान्चिपा, नाङको भाअ्सिङ गोताङ काम सम्भब हि, इदोइ दुख लोलि मापि। नाअ् इङको पाअ्‌ जेदोङ भोखेना। इङको माको, जेदोङ का भोखा।

जागितेङ हिसु कालाउ ल्होतेङ प्रार्थाना पासु, नेलाइ जाचिकाता मापरिसु। जातिङ भारि नेलाइको आत्मा तियार हि, कालाउ बुङ नेलाइको जिउ चाहि हुइका हि।”

जातिङ भारि का नेलाइहेङ दोअ्खा, “सुमिङको जेता-जेता काङको बारेता इदोइ रेम्का सुसमाचार थुकातावा, इन्ता इदोइ बेजान हाइ पाका हि वाको फोम लावा।”

वा चात्यागेलाइहेङ दोअ्हि, काङको मन मेनाङ जिउधाइ ल्होपाङ खारतेङ हि, ना सिलिना हिलि जेङका हि। नेलाइ इताङ जागितेङ हिसु।

चाकाताङ पालाउ येसु तोले चुम्हि। कालाउ तोलेको भाअ्सिङ परमेस्वरहेङ धन्यबाद पिहि कालाउ तोले पोङहि कालाउ चात्यागेलाइहेङ तोले पितेङ दोअ्हि, “कोसु, या काङको जिउ दोङ हि।”

कालाउ आङगुरको रस बातिता चुम्तेङ परमेस्वरहेङ धन्यबाद पिहि कालाउ चात्यागेलाइ झाराङ इङको बात्तिसो आम्हि। कालाउ इम्बालाइहेङ येसु दोअ्हि, “इदोइ काङको आङगुरको रस काङको हितिको कारार दोङ। काङको हिति हेन्जा द्‍याङको भाअ्सिङ बलिको रुपता होपाङ। इदोइ इङको बाचाहेङ जानाइखे जेदोङ परमेस्वर ताइको द्‍याङगेलाइ दोफा होपातेङ हि।

जेलाउ इम्बालाइ तिकार भारि हानिदोङघाहि। येसु चात्यागेलाइहेङ दोअ्हि, नेलाइ झाराङ कासेहेङ लाअ्तेङ हानिस्वाना। हाइपालिपानु पबित्तरो धर्मसास्तर काङको बारेता जेदोङ दोअ्खे इङको सत्ये हिलि गोयाङ। का उङको द्‍याङहेङ सेअ्ताङका जाइ काङको द्‍याङगेलाइहेङ लाखुरिया भाइपा सामाराइखे, कालाउ इम्बालाइ भेडा मेसा भाइपा आउलिगिल्लावा।

एला ल्होसु, जागियाइने! खाङसु, कासेहेङ रिम्पाका द्‍याङ भेरपा लोका हि।”

कालाउ येसु पतरुसहेङ दोअ्हि, “जातिङ भारि का नासेहेङ दोअ्खा, नानिङ न्हिसिन्ता न्हेखे धाङगाइ किया ओलि खान्तेङ लाम्फा नाअ् कासेहेङ सुम्खे दोअ्ताना कि का वासेहेङ मानाल्खा।”