Popular Bible Verses from Sofonías 3

Share

Ti Ajvalil ti ja' Dios avu'une, tey oy ta atojol, jelavem ti smuc'ul stsatsale, ta stic' sba ta apojel. Xmuyubaj no'ox ta atojol ti Diose. Ti jech mu xa xtuch'ot ta yo'ntone, ta xac'bot ach' acuxlejal. Ti jech xmuyubaje, ta xlic q'uejinuc

Ti jech yorail taje, ta xquic'oxuc talel, ta jtsoboxuc talel, ta jel ti c'usi q'uelel xa ta atojolique, ta jpuc batel ti oy c'usi lec laj ataique, yu'un cajal ac'oplal ta xc'ot ta stojol scotol ti jteclumetic ti oy ta banomile. Jech laj cal ti vu'un Diosune.”

Ti Diose laj xa sten loq'uel ti chapal xa ox ac'oplal ta xavich' yu'une, laj xa sjip loq'uel ti avajcontrataque. Ti Dios Ajvalil yu'un ti Israele, oy ta atojol, ti mu xa c'usi jtosucal chopol ta xaxi' yu'une.

Ti jech c'ac'al taje, ta jva'an jba ta scontrainel scotol ti buch'u ta xilbot avocole. Ta jtic' jba ta spojel ti coxov chije. Ta jsa' talel ti bu ch'ayeme. Ti bajbil tenbil c'ote, ti tan jpuc batel ta sbejel banomile, ta joybinbe ta slequilal yutsilal.