Popular Bible Verses from Romanos 14

Share

Yu'un ti ventainel yu'un ti Diose, ma'uc tsots sc'oplal ti c'usi xu' stac' lajesele, ti c'usi xu' stac' uch'ele. Ja' tsots sc'oplal ti tuc'uc ti cuxlejale, ti lamajemuc ti o'ntonale, ti muyubajel ta sventa ti Ch'ul Espíritue. Ti buch'u jech yac'oj sba ta tunel yu'un ti Cristoe, lec x'ile yu'un ti Diose, xchi'uc lec ta x'ile yu'un ti buch'uuc no'oxe.

Ti jech cuxulotique, cuxulotic ta sventa ti Cajvaltique. Mi lijchame, lijcham ta sventa ti Cajvaltique. Ta xcaltic une, mi cuxulotic, mi chamemotic, yu'unotic ono'ox ti Cajvaltique.

Jech o xal un, jpastic tsatsal ta sa'el batel ti bu ta xac' jun o'ntonale, xchi'uc ti ta jcoltaan jbatic ta jujun tale.

Jech o xal un, lajuc sc'oplal ta jlo'ilta jbatic ta jujun tal. Ja' lec albo avo'ntonic ti mu'yuc c'usi ta xapas yo' mu ta acojuc ta xayanijesbeic yo'nton ti achi'il ti buch'u mu'yuc to lec yip yo'nton ti c'u s'elan c'otem ta ch'unele.

Yu'un ti ch'ul c'ope xi ta xale: “Ta xcal ta jamal ta sventa ti jech cuxulune, ta squejan sbaic ta jtojol scotolic. Scotolic ta xalbeic slequil ti Diose.” Jech un, ti jujunotique ta xc'ot cac'tic cuenta ta stojol ti Dios ti c'u s'elan laj jpastique.

Ich'ic lec ta muc' ti buch'u ch'abal to lec yip yo'nton ta xch'unele, mu xavul abaic xchi'uc ti c'usi vocol ta a'yiele.

¿Buch'uot ya'yel un cha'e ti ta xana'lebe yaj'abtel ti yane? Mi lec ta xbat yu'un, mi chopol ta xbat yu'un, ja' sventa ti yajvale. Ta sta ti lec ta xcome, yu'un oy smuc'ul stsatsal ti Cajvaltic yo' ta xc'ot ta pasel yu'un ti lec xcome.