Popular Bible Verses from San Mateo 28

Share

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue. Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

Ti ánjele xi laj yalbe ti antsetique: —Mu xaxi'ic. Jna' ti ja' ta xasa'ic ti Jesús ti jipil cham ta curuse. Mu'yuc xa li'e. Cha'cuxi xa jech c'u cha'al laj yalboxuc ono'oxe. La' q'uelo avilic ti yavil bu to ox laj yaq'uic comele.

Xi albatic yu'un ti Jesuse: —Mu xaxi'ic. Ba albeic ya'i ti buch'u jun jol co'ntoncutic xchi'uque, ac'o baticuc ta Galilea banomil. Ta xiyilicun ti bu taje.

Ti banquilaletic taje bat xchi'in ta lo'il ti moletique yo' ta scomonopic c'usi xu' ta spasic. Jech o xal laj yac'beic ep taq'uin ti soldadoetique. Xi yich'ic bijubtasele: —Ti vo'oxuque, alic ti ta ac'ubaltic ti c'alal vayemoxuque, ti mu'yuc xava'i ti tal ti yajchanc'optac ta yelc'anbel batel sbec'tal ti Jesuse. Mi laj ya'i ti ajvalil Pilato lavayique, mu xaxi'ic, vu'uncutic ta jpac ac'oplalic yo' jech mu xata avocolic. Ti soldadoetique laj yich'ic ti taq'uine. Jech laj yalic jech c'u cha'al bijubtasatique. Jech to xpuquet sc'oplal yu'unic ti israeletic tana li'e.