Popular Bible Verses from Lukas 1

Share

Mai tipu xijiakami Diuxi bïïtarï di— itïtïdai.

Daidi Maria potïtïdai, —Ïmo pioñigadï aanï Diuxi. Dai bhai aagai aanï saidi aanïkïdï pogïduna ixtumaxi gin aagidi aapi— itïtïdai.

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

—Dai Aapi Maria, kïïga buaboitu aapi sai po gï duñimu bïïxi ixtumaxi gï aagidi go otosadï Gïr Nukadakami di dai kaxkïdï kïïga bia aapi ïmo gïdukami bhai ïrhiaragai gï abhana— itïtïdai.

Dai maratamu aapi ïmo arhi gïrhi dai Suxi tïïtïmu aapi— itïtïdai. —Ïmo gïdukami gubukadagai biakamu ïgai dai odami pokaitadamu sai ïgai ïr Maradï Diuxi ix makïdï bïïxi adaama gatïanïi. Pipiixaradïka agai ïgai go rey Dabidkaru. Dai Diuxi dasamu ïgai Rey ix duu dáítadai ïgai Rey go Dabidkaru ïïki. Dai bïïxkïrï bïïtarï ïr Reygadï ka agai ïgai go Israelitas dai tomarhi ïmo imidagai mai ugitimu go sïïrhikamigadï— itïtïdai.

Dai go tïañikarudï Diuxi potïtïdai, —Maiti duadikuda aapi Maria. Diuxi kïïgakïrï gï nïidi tudu.