Popular Bible Verses from Genesis 11

Share

Dai bhodïrï itïi ïgai, —Mos ïr ïmo aadunumï odami dai arhi ïmo ñoki bia. Mai tipu ixtuma sobhidagi go aaduindadï ix makïdï iduñagi ïgai. Ïïgi ixtumaxi iduña ïrhiada ïgai go maaxi iduñimu. Ka maitï maatï xako ukami kugaitudamu gobai— itïi ïgai. —Gï agai tïxi mïï taana ajiagi aatïmï dai ïjïkobai maakiagi ñokidï odami. Kaxkïdï tudu mai maatï gïn kaïkagi aipakoga— itïi Gïr Nukadakami.

—Tïtai kïï mui tutusa bhaabhaki dai bhodïrï kïïsagi ïmo gïï tïsadikarukami baaki kïï tïkabakami ix makïdï aiyagi mïï daan tïbagiana— ikaitiña. —Bai podukai gïr aatagada odami aipakoga nïiditai gïr aaduindaga. Dai podukai ïpï maiti ixtuidimu jaa xi maigobai gïr imitudagi chïchïki ïjïkobai aipako— ikaitiña ïgai.

Babilonia tïgidukami go gïï kii ïgai. Dai ami Gïr Nukadakami mai maatigian dukai kaidatu aatagidï odami dai aipako gïn otoi oidigi dama. Kaxkïdï potïgidukana go bhaabhaki ïgai.

Tukamïrï mos arhi ïmo ñoki ñokaiña oidakami oidigi dama.

Dai Gïr Nukadakami tïbai dai nïnïidi go bhaabhaki ïmadï ix makïdï idui go odami go tïkabakami baaki.

Podukai Gïr Nukadakami aipako darai odami chïchïkiatai aipako oidigi dama. Dai ka dagito go odami go gïï kii daidi maigo bubuaka.