Popular Bible Verses from Éxodo 2

Share

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob. Ca' ñi qota'olec iuana, ca' retan dá'maq 'neetari' so llaalqaipi so Israel.

Ca co'na' mashic 'vii saua ñaxari, ca ileuo' so nashi quiyi Egipto. Qam so llaalqaipi so Israel ñaqai queeta nqohin da le'xoric, ma' na'aquipi. Co'na'le, ca' ñi qota'olec 'xaỹa da noỹenaxac.

Ca co'na' mashic ỹeuc so noctoqui', ca' qaỹodou'a so noctoqui' aso llaale so Faraón. Ca aso'maxare ỹiro quiyim lalamaxaret llaalec. Ca ỹanco' leenaxat Moisés, loqo'm qanaqajshiguim, ma' 'naaco': —Ỹim ñaqajta na'le sachigoxotañigui yi huaxaỹaq.

Co'na'le, ca 'naaco' aso llaale so Faraón: —Coñita najo noctoqui', ỹaxachi'. Ca' ỹim seshiueten ma'le ca redaxaqui'. Ca' aso 'aalo ỹodota so noctoqui', ca' iỹaxat.

Ca co'na' ncopauc, ca' aso llaale so Faraón quepegue' aso lachiugue nachilaxasom. Qam saua lelaata ñaq ỹouoxonsac na lahi aso lachiugue, ca aso'maxare iuantaxaso'ma aso nepaqata neetañigui ca na'uaatesat. Co'na'le, ca 'uo' aso ila' quesaua la'aa quiyim caqso'ma asó'maq nepaqata.

Ca co'na' mashic sham qo'xoic so Moisés, ca 'uo' so na'xa'a eec, ra'piichiu'ga so lqaỹaripi chi lauo' laseripi. Ca retano' quiyim chalego lquesaxanaxa da lo'ueenataxanaxac. Co'na'le, ca iuane'to' so Egipto le'ec ỹouaxantac so chi lauo' le'ec hebreo le'ec. Co'na'le, ca' 'au ỹomateta'pe naua lahil yi hueete'e. Ca co'na' qaica ca leseeca'a iuana, ca ỹalauato' so Egipto le'ec, ca ishinño' queca lo'uaxanaxa.