Popular Bible Verses from Mateo 7

Share

“Mibia nu eye woana mi; midi nu, eye miakpɔe; miƒo ʋɔ, eye woaʋui na mi.

Elabe ame sia ame si biaa nu la, wonanɛ, eye ame sia ame si dia nu la, ekpɔnɛ, eye ame sia ame si ƒo ʋɔ la, woaʋui nɛ.

“Ale ame sia ame si sea nye nyawo, eye wòwɔa wo dzi la le abe ame nyanu, si tu eƒe xɔ ɖe kpe dzi la ene.

“Eya ta nu sia nu si miedina be amewo nawɔ na yewo la, miawo hã miwɔ nu ma ke na wo. Esia ko gblɔm Mose ƒe se la kple Mawu ƒe gbeƒãɖelawo ƒe nufiafia la le.”

Ke agbo la le sue, mɔa dzi toto sesẽ, eye wòɖo ta agbe la me; ame ʋɛ aɖewo koe dzea sii.”

“Mito agbo suetɔ la nu; elabe agboa keke, mɔa dzi zɔzɔ le bɔbɔe, eye wòɖo ta tsɔtsrɔ̃ me; ame geɖe ŋutɔ ye toa edzi.

Ne mi, ame vɔ̃ɖiwo mienya ale si miana nunana nyuiwo mia viwo la, ɖe mia Tɔ́ si le dziƒowo la mana nu nyuiwo ame siwo bianɛ la wu sãa oa?

“Migadrɔ̃ ʋɔnu ame bubuwo ne Mawu hã nadrɔ̃ ʋɔnu mi o. Elabe ale si mietso nya me le ame bubuwo ŋui la, nenema ke woatso nya me le mia ŋui, eye nudzidzenu si mietsɔ dzidze nui na amewo la, eya ke woatsɔ adzidzee na miawo hã.

Ke ame sia ame si se nye nyawo, eye mewɔa wo dzi o la, le abe ame manyanu, si tu eƒe xɔ ɖe ke me la ene.

Ale ke wɔ nèle ati fefee sue, si ɖo nɔviwò ƒe ŋkume la kpɔm, ke atikpo si le wò ŋutɔ wò ŋku dzi la ya, mele dzedzem na wò kura gɔ̃ hã o? Ale ke wɔ nàte ŋu agblɔ na nɔviwò be: ‘Taflatsɛ, nà maɖe ati fefee la le ŋkume na wò.’ Evɔ atikpo blibo le wò ya wò ŋku dzi!

“Mikpɔ mia ɖokui dzi nyuie le alakpagbeƒãɖelawo ŋuti. Wovaa mia gbɔ, eye wodzena le gota gome abe alẽ ko ene, ke le wo me la, wonye amegãxi nyanyrawo. Miadze si wo to woƒe nuwɔna me. Aŋɔka mate ŋu atse wainkpowo o, eye srẽ mate ŋu atse gbo o.

Ale ati nyui sia ati nyui tsea ku nyui, eye ati manyomanyo tsea ku manyomanyo.

Ati nyui mate ŋu atse ku manyomanyo o, eye ati manyomanyo hã mate ŋu atse ku nyui o.

Ke ati si metsea ku nyui o la, wotsonɛ ƒua anyi, eye wotsɔnɛ dea dzo me.