Popular Bible Verses from Mateo 5

Share

Gawu la, womesia akaɖi hetsɔa atigo tsyɔa edzi o. Akaɖiti dzi boŋ wodanɛ ɖo bene wòaklẽ na aƒea me tɔwo katã. Nenema ke mina miaƒe akaɖi naklẽ na amewo, ale be woakpɔ miaƒe nu nyui wɔwɔ, eye woakafu mia Tɔ́ si le dziƒo.”

“Miele abe kekeli ene na xexea me. Du si wotso ɖe to dzi la meɣlana o.

Woyra ame siwo dza le dzime la, elabe woawoe akpɔ Mawu.

Woyra ame siwo Mawu ƒe lɔlɔ̃nuwɔwɔ dzrona vevie, abe ale si dɔ kple tsikɔ wua amee ene la, elabe Mawu ana woaɖi ƒo.

Ke nye la, mele egblɔm na mi be: milɔ̃ miaƒe ketɔwo, eye mido gbe ɖa ɖe ame siwo le mia yome tim la ta

“Woyra ame siwo da ahe le gbɔgbɔ me la, elabe woawo tɔe nye dziƒofiaɖuƒe la.

Woyra ame siwo léa avu la, elabe woayɔ wo be Mawu viwo.

Woyra ame siwo le konyi fam la, elabe woafa akɔ na wo.

Woyra ame siwo yome wotina elabe wowɔ Mawu ƒe lɔlɔ̃nu la, elabe woawo tɔe nye dziƒofiaɖuƒe la.

Woyra ame siwo kpɔa nublanui na ame la, elabe woawoe Mawu akpɔ nublanui na.

Woyra mi, ne amewo dzu mi, eye woti mia yome hegblɔ nya vɔ̃ ƒomevi vovovowo ɖe mia ŋuti madzemadzee le tanye. Mikpɔ dzidzɔ, mitso aseye, elabe miaƒe fetu sɔ gbɔ le Mawu gbɔ, elabe nenema ke ko woti Mawu ƒe gbeƒãɖela siwo nɔ agbe do ŋgɔ na mi la hã yomee.”

Woyra ame fafawo, elabe woawoe anyi anyigba sia ƒe dome.

“Miele na xexea me abe ale si dze le na nu ene. Ke ne nu si wɔ dze wònye dze la do le eme la, nane li woatsɔ adee wòaganye dzea? Viɖe aɖeke megale eŋu o; ɖeko woatsɔe aƒu gbe, eye amewo azɔ edzi.”

Mide blibo boŋ abe ale si mia Tɔ́ si le dziƒo la le blibo ene.”

Ne nya la le eme la, miaƒe nya nanye ‘Ẽ’ ko, eye ne mele eme o la, miaƒe nya nanye ‘Ao’ ko. Nya bubu wu esia gbɔgblɔ la, ame vɔ̃ɖi gbɔ wòtso.”

“Miese wogblɔ be: ‘Ŋku ɖe ŋku teƒe, eye aɖu ɖe aɖu teƒe.’ Ke nye la, mele egblɔm na mi be: migatsi tre ɖe ame vɔ̃ɖi ŋu o. Ne ame aɖe ƒo wò nuɖusito me la, trɔ ekemɛ hã nɛ wòaƒo.

Eya ta ne wò nuɖusiŋku hea wò dea nuvɔ̃ me la, hoe le eto me ƒu gbe, elabe ne wò ŋutinuwo dometɔ ɖeka bu la, enyo na wò wu be woatsɔ wò ameti blibo la aƒu gbe ɖe dzomavɔʋe me. Nenema ke ne wò nuɖusi hea wò dea nuvɔ̃ me la, lãe ɖa le ŋutiwò, elabe ne wò ŋutinuwo dometɔ ɖeka bu la, enyo na wò wu be woatsɔ wò ameti blibo la aƒu gbe ɖe dzomavɔʋe me.”