Popular Bible Verses from মার্ক 2

Share

এ কধাগান্ শুনিনে যীশু সেই ধর্ম-মাষ্টরুনোরে কলঅ, “গম্ মানুচ্চুনোত্তে ডাক্তরর্ দরকার নেই বরং পীড়েল্যেগুনোত্তে দরকার্ আঘে। মুই ধার্মিক্‌‌কুনোরে ডাগিবাত্তে ন-এজং বরং পাপীগুনোরে ডাগিবাত্তে এচ্চ্যং।”

যীশু তারার্ বিশ্বেজ্ দেগিনে সেই বেসৎ-পীড়েল্যেবোরে কলঅ, “ও গাবুজ্যে, তঅ পাপ্পানি খেমা গরা অলঅ।”

যীশু তারারে আরঅ কলঅ, “মান্‌‌জ্যত্তে জিরেবার্ দিন্নো গরা ওইয়্যে, মাত্তর্ জিরেবার দিন্নোত্তে মান্‌‌জ্যরে বানা ন-অয়।

মাত্তর্ ভিড়োত্তে তারা তারে যীশু ইধু নেযেই ন-পারিলাক্। ইয়েনত্তে যীশু যিয়েনত্ এলঅ ঠিগ্ তা উগুরে ঘর ছালর্ কিজু ভাগ্ তারা সোরেই ফেলেলাক্। সে পরেদি সেই খুলো জাগানদি পাদি সুদ্ধো সেই বেসৎ-পীড়েল্যেবোরে তলেদি লামেই দিলাক্।

মাত্তর্ তুমি যেন হবর্ পঅ পিত্‌‍থিমীত্ পাপ খেমা গুরিবার্ খেমতা মান্‌‌জ্য পুয়োবোর্ আঘে”-ইয়েন সং কোইনে তে সেই বেসৎ-পীড়েল্যেবোরে কলঅ, “মুই তরে কঙর্, উঠ্, তঅ পাদিবো তুলিনে ঘরত্ যাহ্।”

এই বেসৎ-পীড়েল্যেবোরে কুবোন্ কনা সোজা- ‘তর্ পাপ্পানি খেমা গরা অলঅ,’ না, ‘উঠ্, তঅ পাদিবো তুলিনে আঢি বেড়া’?

সেক্কেনে সেই মানুচ্চো উদিনে তা পাদিবো তুলিলো আর বেক্কুনো মুজুঙেদি বারেদি গেলঅ। ইয়েন্দোই বেক্কুনে আমক্ ওইনে গোজেনরে বাঈনী গুরি কলাক্, “আমি কনদিন্অ এবাবোত্যে ন-দেগিই।”