Popular Bible Verses from 2 SIANGPAHRANG 4

Share

Cun Elisha nih amah cu, “Zeidah kan tuahpiak lai? Ka chim tuah; zeidah innchung ah nan ngeih?” tiah a ti. Cun anih nih, “Na salnu nih hin, inn chungah chiti um khat dah ti lo cu zeihmanh ka ngei lo,” tiah a ti.

Profet fapa hna lak i pakhatpa nupi nih Elisha cu a auh i, “Na salpa ka vapa cu a thi cang; cun nang nih na salpa cu BAWIPA a ṭihmi a rak si kha na hngalh, sihmanhsehlaw lei kan batmipa kha, ka fale pahnih hna cu sal si awk i lak awkah a ra cang,” tiah a ti.

Khi tikah anih nih, “Leng ah va chuak law na innpa vialte an um va hlang hna, um lawng, a tlawmtuai si loin.

Cun lut law, nangmah le na fapale kha innka i khar khumh u law hi um vialte kha chiti rawn hna u; cun pakhat a khah tikah a dang ah chia lengmang u,” tiah a ti.

Um kha an khah dih tikah, a fapa pakhat kha, “Um dang rak pu rih tuah,” tiah a ti i anih nih, “A dang a um ti lo,” tiah a leh. Khi tikah chiti luan cu a dong.

A ra i Pathian mi kha a chimh i anih nih, “Va kal law, chiti kha va zuar law na leiba kha va cham, cun a tang rihmi khan nangmah le na fapa hna cu khua va sa u,” tiah a rak ti.

Cucaah amah sin cun a kal i amah le a fapale cu innka an i khar khumh i annih nih um cu an rak put hna i anih nih a rak rawn lengmang hna.

Cun a hung kal i ngakchia cungah cun a bawk i a kaa cu a kaa ah a chiah i a mit cu a mit ah a chiah hna i a kut cu a kut ah a chiah hna; cun cu bantuk i ngakchia cung i a bawh cun, ngakchia taksa cu a hung lum.