Popular Bible Verses from Mateo 23

Share

Wamunene hakati kenu enge mukamulimo wenu.

Muntu nimwendi ukulinenehesha, bakamushepesha, kami muntu ukulishepesha, ukaneneheshiwa.

“Makando wenu, bakakulongesha ndayano na Bafwalishi, enu bakashishweka! Ndaba mu kutupula shimo sha wulikumi sha mashiha a minta na Nyanyishi na a kumini, ngoboni munakana kwombatala ku longesha byabinene bya ndayano, nehe kulunga na nceshe na kukulupiliwa. Ebye nibyo mwafwanini kutenda na kubula kukanaho byamina.

“Makando wenu, bakakulongesha ndayano na Bafwalishi, enu bakashishweka! Ndaba mu kuyowesha nkomoki na lulonga ha munkanda, ngoboni mukati binenzala na byuma munawana mu wizi na mutongo.

“Obe Yelushalema, Yelushalema! Obe mukakuziha bamiluwe na kupuha mamanya aba banatumiwi kukwobe! Bikati binga nashingile kukungula bana bobe nehe nkazikuku akungulanga bana bendi ku nceto ya mbando zendi, ngoboni kaliha wetabilile.

Nohobene kami mwamonekanga ku bantu ngo muli bakwoloka ha munkanda, ngoboni mukati munenzala na shishweka na wubi.