Popular Bible Verses from MATYE 7

Share

Ye da nyɛrí, Nyɛʔɛlɛ pa liʔi kan ye ma. Ye da ja, Nyɛʔɛlɛ pa liʔi tyɛʔɛ ye na. Ye daʔa kòló, Nyɛʔɛlɛ pa liʔi nyɛʔɛ ye kan.

Mɛjɛn hɛn o hɛn ŋa wí bi da nyɛri ge, wi naa daʔa. Ŋa wí bi da ja ge, wi naa nyaʔa. Ŋa wí naʔa kolo ge, Nyɛʔɛlɛ pa liʔi nyɛʔɛ wí kan.

Hɛn o hɛn ŋa wí na na kayoro da nuru de bí daʔa hanri nɛ pa kí ma yo ge, pɔɔ bo nɛ pa ticlimi fɔlɔ nyɛ, ŋa wí ma wi go fan ŋglɛnʔɛ yugu na ge.

Yraʔa o yraʔa ga ye corí hɛɛn pe da hanri ye kan ge, yèé fanna, ye daʔa hanri pé kan kpo. Mɛjɛn kiì gi furu kayoro sɛbɛ ní, ní Nyɛʔɛlɛ leyoo sɛbɛ ní pe kayoro ti kɔ̀rɔ́ we.

Di goyɛʔɛ ga kí nyɛ tatugu ge, ki kloʔò áʔa ní mâ po tatugu nɛ ge, ki woʔo kí na sye nyuwyeʔe deʔe na. Bee pé maʔa nya poò nyɛ fafaʔabaa.

Kí ma yala ye je wa goyɛtatugu na. Mɛjɛn goyɛʔɛ ga kí nyɛ kpangbanŋa ge, ki kloʔò áʔa plɛn mâ po kpangbanŋa ge, kí na sye kwɔkpɔʔɔ ni. Bee pé na jin waʔa ni pé nyɛ fafaʔabaa.

Ali mà ja bo yé nyɛ hɛnpee ge, yé na akmaba kanʔa yè pii ma be pomo ma na, yèé maʔa cɛn. Kanyɛmɛ na, yè To ŋa wí nyɛ wa namuru ni de, wiì wí bi da akmaba kanʔa bee ma pé noo nyɛri ge bì doro yèé na be dɛ.

Yò gáa kiti kon hɛn wa na. Nàʔa po ban, Nyɛʔɛlɛ lòo ba kiti kon ye na. Mɛjɛn yé na kiti kon pomo ma na ge, lí bi ba kiti kon ye na ki podeme miì na. Yé na yrɛbɛ tonli alege ga ni mâ na pi kanʔa hɛɛn ma be, Nyɛʔɛlɛ lí bi ba yè wobo tonli be wa ki alege kiì ni bi pí kan ye ma ge.

Hɛn o hɛn ŋa wí bi da na kayoro nuru de, nà wi ìn da ga hanri tí na nyu ge, pɔɔ bo nɛ pa hɛn letɔʔɔ nyɛ. Wí ma wi go fan tanyrɛʔɛ na.

Nyaʔa ma kan má na kakraple wele le wa ma nibo wi nyɛlɛ ni le, di moò na kanglangbɔʔɔ ga nyaʔa kí nyɛ wa ma wolo ni le yo? Dee di, pa maʔa yo mɛlɛ ma nibo kan we bí yo: ‹Yeré, bì kakraple fara le ma na nyɛlɛ ni le,› áʔa hín bo kanglangbɔʔɔ kí nyɛ wa mo ma wolo ni le ge?

Ye da yè kɔrɔsi bee ní pé yo pé nyɛ Nyɛʔɛlɛ leyoo, di áʔa hín bo kayocɛnŋɛ ban ge. Pé na mbahlɛrɛ ni na pan yè krugu, di pe lama mí nyɛ nɛ pa sanwyeʔe lama nyɛ me, gee funŋu kí ma ke co kmaʔa ceŋge ge. Yé bi pe cɛn pe pibi pii na ba pé bi da seri ge. Hɛɛn pe na hrɛsɛn pibi co wa huru tiʔi na ge yo? Dee di, pe na syaʔa co wa hufidiʔi na ge?

Ki pomo na me, tikmaʔa o tikmaʔa ki hîn na pikmaba seri. Di titipeʔe o titipeʔe ki naa pitipebe seri.

Tikmaʔa kòo gban bì da pitipebe seri. Titipeʔe kòo gban bì da pikmaba seri.

Tiʔi o tiʔi ga ki ìn bi da pikmaba seri ge, pa peʔe kon bìʔi wa kwɔʔɔ ni.