Popular Bible Verses from MATYE 5

Share

Hɛn wà ná jé lamba mu bì bɔɔ tyɛʔɛ so noʔo na. Di wi noo cɛʔɛ́ wi tyɛʔɛhaʔa na, jango wi da bari hɛɛn pè bɛfu kan bee pé nyɛ wa go ni ge. Ki podeme miì na, kí ma yala yè kpɛnmɛ mi da bari ban kpo hɛɛn kan be, jango pe da yè kahrangmaʔa nyaʔa ge, pe da yè To kpɔʔɔ we, ŋa wí nyɛ wa namuru ni de.

Yèé yé nyɛ drunya wi kpɛnmɛ. Kàʔà ga kí nyɛ wa angolo yugu na ge, kòo gban bì hra.

Bee pe lama mí nyɛ pé na finmi ge, pé nyɛ frɛmɛ ní, mɛjɛn pé bi ba Nyɛʔɛlɛ nya le.

Sinmi mi laa kí nyɛ bee na nɛ pa funŋu nì, ní nyujɔʔɔ ní ge, pé nyɛ frɛmɛ ní, mɛjɛn pé bi ba din.

Di mì mí biʔi yo ye ma bì yo: Yè bɛnfɛɛ pe da ye glanʔa. Ye da nyɛrí bee kan pé na ye cɔlɔ ge

«Bee pé na pè cun fyomo fɛɛ, pé nyɛ frɛmɛ ní, mɛjɛn Nyɛʔɛlɛ masaʔa ki klɛ́n mà pee kan.

Bee pé na mlara nì, ní nicere ko de, pé nyɛ frɛmɛ ní, mɛjɛn Nyɛʔɛlɛ lí bi da pe yeri li pii.

Bee pé nyɛ yɛpɛnrɛ ní ge, pé nyɛ frɛmɛ ní, mɛjɛn Nyɛʔɛlɛ lí bi ba pe fɛn.

Bee pé na cɔlɔ sinmi mi kala na le, pé nyɛ frɛmɛ ní, mɛjɛn Nyɛʔɛlɛ masaʔa ki klɛ́n mà pee kan.

Bee pé na nyugara taʔa ge, pé nyɛ frɛmɛ ní, mɛjɛn Nyɛʔɛlɛ lí bi ba nyugara ta pé na.

Nyiŋi o nyiŋi ga hɛɛn pé bi da ye teri bì da ye cɔlɔ bì da flɛnʔɛ ye na pomo mì bɛfu na na kɔsɔ na ge, pa ye bo frɛmɛ ní. Ye po lafiʔimi nì, ye da yɔʔɔrɔ, mɛjɛn tonro kpangbanŋa nyɛ wa ye ma namuru ni de. Ki podeme ma miì na, pe dá bo na Nyɛʔɛlɛ leyoo cɔlɔ be, bee pe da glú mâ po wa yè yɛ̀ʔɛ̀ ma ge.

Bee pé nyɛ lanyimi fɛɛ ge, pé nyɛ frɛmɛ ní, mɛjɛn tra tí bi ba bo pe krɔʔɔ.

Yèé yé nyɛ nɛbo kɔ wi drunya kan we. Di kɔ wi tanma nà mi nyini wí ni ge, pòo gban bì yraʔa kà le wa wi nî wi klàn nɛ. Wùu gban bì yraʔa kà no adi. Nàʔa po ban, pa poo wa dala na, hɛɛn pe dɔɔ tànrí.

Kiì kala na, kí ma yala ye sìn ye fùnŋú nɛ pa yè To wí nyɛ sinŋi pomo ma na ge, ŋa wí nyɛ wa namuru ni de.»

Kí ma yala yè ee wi po ‹ee,› yè ayo wi po ‹ayo.› Mɛjɛn nà ye kà haʔa waʔa na ge, ki woʔo paʔa jɛ Sotanri ma ŋa pé na yeri Hɛnpee ge.

Yé maʔa loʔo mà yo: Ki dá yo mà yo: Kí ma yala nyɛlɛ bí nyɛlɛ fwɔʔɔ ton. Ganla bí ganla fwɔʔɔ ton. Di mí biʔi yo ye ma bì yo: Ŋa wí ma tipeʔe hanri má na ge, mò gá ki fwɔʔɔ ton ge. Di nà wà bi ma kmó wa ma kaligi kaca na ge, ma kamolo woʔo krɛʔɛ ge wi ma kpo.

Ma kaligi nyɛlɛ nà li má kan ma kapeʔe hanri, ma li fàrà, ma li wa. Mɛjɛn kí nyɛ pronʔo má kan ma awiʔi kà nigbe bi jɔʔɔ́, sanni pé bi yà ma wre tì bɛfu wa wa cɔlɔʔɔ deʔe nî ge. Ma kaligyɛʔɛ nàʔa má kan ma kapeʔe hanri, maʔa kon maʔa wa. Mɛjɛn kí nyɛ pronʔo má kan ma awiʔi kà nigbe bi jɔʔɔ́, sanni ma wre tì bɛfu tí bi yà je wa cɔlɔʔɔ deʔe ni ge.