Popular Bible Verses from Mateo 2

Share

E cando entraron na casa atoparon o neno con María, súa nai. Prostráronse e rendéronlle homenaxe; logo, abrindo os seus tesouros, ofrecéronlle coma regalo ouro, incenso e mirra.

Xesús naceu en Belén de Xudea, en tempos do rei Herodes. E nisto uns magos de Oriente chegaron a Xerusalén preguntando: Onde está o Rei dos xudeus que acaba de nacer? Porque vimos saír a súa estrela alá no Oriente, e vimos para lle rendermos homenaxe.

Grande alegría sentiron ó veren saír de novo a estrela.

Logo, avisados en soños de que non volvesen por onda Herodes, saíron para a súa terra por outro camiño. En canto se foron, un anxo do Señor apareceulle a Xosé en soños e díxolle: Érguete, colle o neno e mais a nai e fuxe para Exipto. Non te movas de alí ata que eu te avise, porque Herodes vai buscar o neno para acabar con el.