Popular Bible Verses from Malaquías 3

Share

Traede todo o décimo á casa do tesouro. Para que haxa comida no meu templo. Si, poñédeme a proba —fala o Señor dos Exércitos—, para ver se eu non vos abro as comportas do ceo, para librar sobre vós a bendición ata que nada quede na miña man.

Rifaríalle en favor voso ó saltón, para que non vos destruíse o froito da terra, e para que a viña no campo non vos quedase sen uva —fala o Señor dos Exércitos—. Entón proclamaríanvos ditosos todos os pobos, pois sodes un país de felicidade, —fala o Señor dos Exércitos—.

Serán para min —fala o Señor dos Exércitos— propiedade persoal no día en que eu actúe, porque lles perdoarei o mesmo que un home perdoa o fillo obediente. Entón veredes de novo a diferenza entre o xusto e o malvado, entre quen serve ó Señor e quen non o serve.

Velaí: eu envío o meu mensaxeiro, para que limpe o camiño diante de min. Nun momento entrará no seu santuario o Señor a quen vós estades buscando, o mensaxeiro da Alianza, a quen vos lle tendes amor: vede que chega —fala o Señor dos Exércitos—.