Popular Bible Verses from Matyu 14

Share

Bɔt Pita fred wɛn i fil di trɔŋ briz, nain i bigin sink na di wata. I ala se, “Masta, sev mi!” Jizɔs tret in an ɛn ol Pita wantɛm. I aks Pita se, “Yu nɔ biliv mi? Wetin mek yu dawt?”

Bɔt Pita fred wɛn i fil di trɔŋ briz, nain i bigin sink na di wata. I ala se, “Masta, sev mi!”

Jizɔs tɔk to dɛn wantɛm. I se, “Una nɔ fred, una nɔ wɔri, na mi dis!”

Nain Pita se, “Masta, if na yu, fɔ tru, mek a waka pantap di wata go mit yu.” Jizɔs se, “Kam!” So Pita kɔmɔt insay di bot ɛn bigin waka pantap di wata fɔ go mit Jizɔs.

Di lanin bɔy dɛn we bin de insay di bot nil dɔŋ bifo Jizɔs ɛn se, “Fɔ tru, yu na Gɔd in Pikin!”

Jizɔs tɛl dɛn se, “Una nɔ fɔ sɛn di pipul dɛn go, una fɔ gi dɛn tin fɔ it!” Di lanin bɔy dɛn se, “Wi nɔ gɛt pas fayv lof bred ɛn tu fish.”

Jizɔs se, “Una briŋ dɛn kam.” I tɛl di pipul dɛn fɔ sidɔm na di gras; dɔn i tek di fayv lof bred ɛn di tu fish, i luk ɔp na ɛvin ɛn pre ɛn tɛl Gɔd tɛnki. I kɔt kɔt di lof bred gi in lanin bɔy dɛn, dɔn di lanin bɔy dɛn sheb am gi di pipul dɛn.

Ɔlman it te dɛn bɛlful. Wɛn di lanin bɔy dɛn pik di af af we dɛn it lɛf, i ful twɛlv blay.