Popular Bible Verses from Mat 2

Share

Rîu, barakûrûka nyomba na baroona mwana ûu arî na ng'ina, baraturia maru na baramûthaathayia. Baramwaa biewa bia thaabu na ubaani na manemane.

Rîrîa Jesû aaciarîrwe ntûûreene ya Bethlehemu nthîgûrûûne ya Judea, mûnene Herode nîwe waathanaga. Kagiita gagakai nyuma ya Jesû agûciarwa, antû baboome nî beetîre ntûûra ya Jerusalemu baumîte bwa gaiti. Nabo barooria, “Nîkû kaana karîa gakaa mûnene wa Ayahudi gaciarîîrîtwe? Nîkwîthîrwa nî twonete njota yaawe kuuma bwa gaiti, naatuî twîjîte kûmûthaathayia.”

Rîrîa boonere njota îîu baragwîrua mono.

Mûrungu arabakaania barî kîrootoone bagácokeera kwa Herode. Tontû bûû, baracoka kwaao na njîra îngî. Rîrîa antû bau boome beetîre mûraîka wa Mwathani nî aumîrîîre Josefu arî kîrootoone aramwîra atîrî, “Ûkîîra ûjûkie mwana na ng'ina bûûre bwîte Misri. Bûkare kû mwanka rîrîa nkabwîra, nîûntû Herode nî agûcwaa mwana ûûjû amûûraga.”