Popular Bible Verses from Mat 10

Share

“Thikîreeni, ni ndibûtûma bûkari ta ng'ondu gatîgatî ka mbawa. Tontû bûû, îthîrweni bûrî na ûûme ta njoka na ûkiri ta kîjea.

Muntû ûrîa ûmenyagîra ûtûûro bwaawe akaaga mwoyo, îndî ûrîa ûkairita nîûntû bwaakwa akoona mwoyo.”

Bûgakîreni barîa boomba kûûraga mwîrî îndî batîûmba kûûraga mwoyo. Îndî kîrageni ûrîa ûûmba kûûraga mwîrî na akagera mwoyo mwankiine jwa kenya na kenya.

Ningî muntû ûrîa ûtîjûkagia mûtharaba jwaawe na anthingata, atîagîrîte kwaa mûritwa waakwa.

“O muntû ûrîa ûgakûûjîîra mantû jambegiî kîrî antû, kinya ni ngakûjîîra mantû jamwegiî kîrî Baaba ûrîa ûrî îgûrû. Îndî o muntû ûrîa ûgankaana kîrî antû, kinya ni nkamûkaana kîrî Baaba ûrîa ûrî îgûrû.”

Orieeni barîa baajîtue, na bûriûkie barîa bakuîte, na bwoorie barîa barî na mûtigiri, ningî bwînge roho inthûûku. Bweei bûtîkûrîua, kinya buî eejanageni bûtîkûrîia.

Tontû bûû, bûgakîreni, nîûntû bûrî gîtûmi nkûrûki ya nyoni inyingî.”

“Bûkathûgaanieni atî ndeejîre kûreeta thîîrî nthîgûrûûne. Nteejîre kûreeta thîîrî îndî ndeejîre kûreeta ndwaa.