Popular Bible Verses from MATIE 2

Share

Nɛ wa ha tɔa, nɛ wa zɔ be do naa a Maria, nɛ wa gu nù, nɛ wa dɔngga be, nɛ wa yala tolenɔ 'da wa, nɛ wa kala mɔ mbali, fũ yɔmbɔ do nɔ mirɛ, nɛ wa 'dɔlɔ hã a.

Wa kua Yezu tɛ Bɛtleɛmɛ, ngɔ nù Yude, do 'da fala kɛ Herodɛ zi a nwa ni. 'Do kula 'da a, nɛ Owi hã zã kɛ wa yambala zi gulu osɔlanɔ ni, wa yula si 'biti gba wese, nɛ wa hɔ tɛ Yeruzalɛmɛ. Nɛ wa aka na: “Wa kua be kɛ a sɛ a nwa 'da Oyudanɔ ni do nde? We kɛ lɛ zɔa sɔla kɛ ma be na wa kua a ni si 'biti gba wese i, ma kɛ lɛ tɛa we dɔnggɔ a ni.”

Owi hã zãnɔ wa zila ní do'do, nɛ wa la. Kɔ wa nɛa we hɔ li wala i, nɛ wa zɔ 'bɔ kpo kpo sɔla wa zɔa ma si 'biti gba wese i ni tɛ la do dati wa. Nɛ wa zi do yangga wena we zɔ sɔla ni. Kɔ sɔla nɛa we hɔ dɛ ngɔ fala kɛ be nɛ ni, nɛ ma yolo nù.

Nɛ 'do nɛ, nɛ Gale wila we hã wa do li yalɛ na, wa tɛ sì 'bɔ do kɛ 'da Herodɛ i gɔ. Na mɛ ni, nɛ wa ba gele wala, nɛ wa si dɛ ngɔ nùi 'da wa. Owi hãnɔ wa la do'do, nɛ mbe anzɛ 'da Nwa Gale hɔ 'da Yozɛfu do kɔ yalɛ, nɛ a tɔ̃ hã a na: “Mɔ kúlú ngɔ, kɔ mɔ bá be do naa a, kɔ nɛ yú dɛ Ezipeto. Nɛ nɛ ɔ́ dɛ i mɔ gbaa, hã mi tɔ̃ hã mɔ na nɛ si, sɛ nɛ de. We kɛ Herodɛ nɛ fa be gɛ we gbɛ a gbɛa.”