Popular Bible Verses from Tshibangidilu 26

Share

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Meme nemvudije ndelanganyi yebe bu mitotu ya kulu. Nempeshe ndelanganyi yebe ditunga dionsu edi. Kabidi mu dina dia ndelanganyi yebe, nengele bisamba bionsu bia pa buloba lupemba. Bualu Abrahame uvua muitabe diyi dianyi, mukumbaje miaku ne mikenji bimvua mumuambile.

Kumukaye muaba awu. Kumbulaye tshiina tshia mayi tshisatu muaba mukuabu. Kadi kabena batandangana kabidi bua tshiina atshi to. Izake kutshinyika dina ne: “Ditanta” (Rehobote). Kuambaye kabidi ne: “Mpindiewu Maweja-Nangila wanyishi bua tutante, tuwlangane mu ditunga emu.”

Maweja-Nangila kumuenekela Izake, umukandika ne: — Dikasa diebe kadidiatshi mu Ejipitu to. Kadi usombe anu mu ditunga edi dindi nkuleja.

Izake kuenza tshilambuilu, kutendelela Mvidi Mukulu, utela dina dia Maweja-Nangila. Kuibakaye ntenta yende. Bena mudimu bende kumbula tshiina tshia mayi tshikuabu.