Popular Bible Verses from Thangambere 6

Share

Man Yehova lokre kum etimo dhanu wi ng’om, man can unege i adundene.

E Yehova neno nia dubo mi dhanu e dit i ng’om, man nia porolembe mi pidoic mir adunde kubang’e kubang’e en e rac kende thiri thiri.

Ento Noa nwang’u bero i wang’ Yehova.

Maeni dhanum’utuk pa Noa. Noa en e ng’atu ma pwe, en e ng’atu ma ndhu cu i kind dhanum’utuk pare: Noa wotho ku Mungu.

E Yehova wacu kumae, Abinyotho dhanu m’acwio kud i wang’ ng’om; dhanu, ku yedi, ku gin ma lak i ng’om, ku winyo ma kor polo; kum alokra rac atimogi.

Man etimbre, kinde ma dhanu maku medri wi wang’ ng’om, man nyir unyole igi, nia wot Mungu gineno nyir mi dhanu nia wang’gi leng’; man gigamu igi mon mi ceke ma gifoyo. Man Yehova wacu kumae, Tipona bipiembre ku dhanu nja ngo, kum en bende en e kum: ento ceng’ pare bibedo rundi dak acel ku pier ario. Junefili ginuti i ng’om i ceng’ maeca, man bende yo ng’ei maeno, kinde ma wot Mungu gimondo ba nyig dhanu, e ginyolo nyithindho igi: dhanune gi dhanu ma tek ma ginuti con, dhanu ma pigi yik.

Noa timo kumeca; calku gin ceke ma Mungu ng’olo ire, etimo kumeca.

Man Mungu wacu ni Noa kumae, Kajik mi weg kum ceke wok i wang’a; kum ng’om upong’ ku rop ni kumgi; man, nen, abinyothogi karacelo ku ng’om.

Tim iri avur mi yen sipre; itim kusika i avurne, man imwone yor i ie ku yo woko de kud udok.

Man Mungu neno ng’om, man, nen, enyothre; kum weg kum ceke ginyotho yo migi wi ng’om.

Man ikel gin ceke ma kwo ma ku kum kubang’gi kubang’gi, kwond gin ceke ario ario i avur, kara ugwokgi ma kwo karacelo kudi; gibed ma co ku ma mon.