Popular Bible Verses from Thangambere 1

Share

Man Mungu wacu kumae, Dong’ watimu dhanu kud ayiwa, ku kitwa: man dong’ gibed ku kero wi rec m’i nam, man wi winyo m’i polo, man wi lim, man wi ng’om ngung’, man wi gin ma lak i ng’om kubang’e kubang’e ma lak wi ng’om. Man Mungu cwio dhanu kud ayine gire, i ayi Mungu ecwie; ecwiogi nico ku dhaku.

Man Mungu mio mugisa igi: man Mungu wacu igi kumae, Wunyol, wumedru de, wupong’ ng’om, man wudwoke wor iwu; man wubed ku kero wi rec m’i nam, man wi winyo m’i polo, man wi gin ma kwo kubang’e kubang’e ma wotho wi ng’om.

Ku kwong’a Mungu cwio polo ku ng’om.

Man ng’om ubedo umbe ayi man mananu; man mudho bedo wi wang’ longro: e Tipo pa Mungu riebre wi wang’ pi.

Man Mungu wacu kumae, Dong’ der ubed nuti: e der ubedo nuti.

E Mungu neno gin ceke m’etimo, man, nen, e ber dit. Man uthieno nuti kugweno de nuti, ceng’ mir abusiende.

Man Mungu neno derne, nia e ber: e Mungu poko der ku mudho.

Man Mungu wacu kumae, Nen, amio iwu uboko ceke kubang’e kubang’e ma ju nyinge, ma ni i wang’ ng’om ceke, man yen ceke kubang’e kubang’e ma nying’ yende ni i ie ma cego nyinge; ebibedo iwu ni cemo

Man Mungu lwong’o der Ceng’, e mudho elwong’o Diewor. Man uthieno nuti kugweno de nuti, ceng’ acel.

Man Mungu wacu kumae, Dong’ apokapiny ubed i kind pi, man epok kind pi ku pi.

man ni yedi m’i ng’om ceke kubang’e kubang’e, man ni winyo ma kor polo ceke kubang’e kubang’e, man ni gin ceke ma lak i ng’om kubang’e kubang’e, ma igi ju kwo, amio uboko ceke ma numu kubang’e kubang’e ni cemo igi: e ebedo kumeca.

Man Mungu wacu kumae, Dong’ der gibed nuti i apokapiny m’i polo kara gipok dieceng’ ku diewor; man dong’ gibed ni giranyutha, man ni oro ku cwir, man ni ceng’ ku rundi

Man Mungu wacu kumae, Dong’ ng’om utwi lum, man uboko ma cego nyinge, ku yen ma ju nyinge ma cego nyinge ku kite ku kite, ma nyinge nuti i ie, wi ng’om: e ebedo kumeca.

Man Mungu timo apokapiny, e epoko pi ma yo ther apokapiny ku pi ma yo wi apokapiny: e ebedo kumeca.

Man ng’om utwio lumbe, kud ubokone ma cego nyinge ku kite ku kite, ku yedhi ma cego nyinge, ma nyinge ni i ie, ku kite ku kite: e Mungu neno nia e ber.

E Mungu timo der ario ma dongo; der ma dit ubim dieceng’, man der ma nok ubim diewor: etimo cero bende.

Man Mungu wacu kumae, Dong’ pi ma ni the polo cok dhoge i kar acel, man dong’ ng’om m’uthwo woki: e ebedo kumeca. E Mungu lwong’o ng’om m’uthwone Ng’om; man cokri mi pi ke elwong’o Nam: e Mungu neno nia e ber.

E Mungu mio mugisa igi, ewacu kumae, Wunyol, man wumedru, man wupong’ pi i nam, man dong’ winyo medre i ng’om.

Man Mungu wacu kumae, Dong’ ng’om unyol giracwia ma kwo ku kite ku kite, lim, ku gin ma lak i ng’om, man yedi m’i ng’om ku kite ku kite: man ebedo kumeca.

Man Mungu wacu kumae, Dong’ pi pong’ kud udul giracwia ma kwo, man dong’ winyo giring i ng’om wi apokapiny ma thwolo m’i polo.

E Mungu timo yedi m’i ng’om ku kite ku kite, man lim ku kite ku kite, man ku ba gin ceke ma lak i ng’om ku kite ku kite: e Mungu neno nia e ber.