Popular Bible Verses from Lucas 7

Share

Tsaymi nï: Kay warmiqa atska jutsankunata perdonaptïmi pasaypa kuyamar tsaynö rurashqa. Wakinkunam sïqa jutsaynaq kayanqanta yarpar janan shonqulla kuyayäman>>. Warmitanam nirqan: <<Llapan jutsaykitam perdonä>>.

Jesúsnam warmita nirqan: <<Noqaman yärakamunqaykipitam salvakurquyki. Kananqa kushishqana aywakuy>>.

Jesúspa qepanman qonqurikuykur waqaptinmi chakinman weqin juturqan. Tsay jutunqantanam aqtsanwan tsakiskatsir Jesúspa chakinta mutsaykur apanqan perfümita wiñaparqan.

Tsayshi kikinqa shamushqatsu. Sirviqnin allïnanpä kayllapitash niykunki. Paypis mandaqninpa poderninchöshi kaykan. Tsaynöshi paypa poderninchöna soldädunkunapis kayan. Tsayshi mayqantapis <ayway> niptin aywayan, <shamuy> niptin shayämun y sirviqninta <kayta ruray> niptinpis ruran>>. Tsayta wiyaykurmi Jesús kushikur paywan aywaykaq runakunata nirqan: <<Noqam nï: Paynö criyikuq runataqa Israel runakunachö manam tarirqütsu>>.

Tapuq chäyanqan höram Jesús alliykätsirqan atskaq qeshyaqkunata, ñakaqkunata, supay ñakatsinqankunata y atskaq qaprakunatapis. Tsaymi Jesús nirqan: <<Kutir rikayanqaykikunata y wiyayanqaykikunata Juanta willayay. Qaprakunapis rikayannam. Puriyta mana puëdiqkunapis puriyannam. Leprawan qeshyaqkunapis allïyashqanam. Mana wiyaqkunapis wiyayannam. Wanushqakunapis kawayämushqanam. Pobrikunapis Tayta Diospa alli willakuynintam wiyayan.