1
Lucas 10:19
Biblia en Quechua del sur de Conchucos
Noqam podernïta qamkunata qararqü culebrakunata, atuq kurukunata jaruyänaykipä y Satanás imata ruraptinpis vinciyänaykipä. Satanásta ichipäyaptikipis manam imapis päsayäshunkitsu.
Compare
Explore Lucas 10:19
2
Lucas 10:41-42
Señor Jesúsnam nirqan: <<Ä Marta, Marta, qamqa imayka ruraynikikunallapämi yarpachakuykanki. Peru llapanpitapis jukllayllam mas alliqa. Tsaytam ñañayki María akrashqa. Pay yachakunqantaqa manam pipis qechunqatsu>>.
Explore Lucas 10:41-42
3
Lucas 10:27
Tsay runanam nirqan: <<Tayta Diospa leyninchömi nin: <Tayta Diosta kuyanki llapan shonquykiwan, llapan voluntänikiwan, llapan kallpaykiwan y llapan yarpaynikiwan. Runa mayikitapis kikiki kuyakunqaykinö kuyanki> >>.
Explore Lucas 10:27
4
Lucas 10:2
Mandarmi nirqan: <<Cosëcha qoriypä kanqannömi atskaq runakunapis Tayta Diospa willakuyninta chaskiyänanpä kaykäyan. Peru tsaynö kaptinpis wallkaqllam willakuqkuna kayan. Willakuqkunata mandamunanpä Tayta Diosta mañakuyay>>.
Explore Lucas 10:2
5
Lucas 10:36-37
Tsaynö willaskirnam Jesús tapurqan: <<Tsay kimsan runakunapita ¿mayqan kaqtä runa mayinta kuyaparqan?>> Niptinmi nirqan: <<Samaria runam>>. Jesúsnam nirqan: <<Kanan qampis tsay runanölla runa mayikita kuyapanki>>.
Explore Lucas 10:36-37
6
Lucas 10:3
<<Kanan willakuq aywayay. Löbukunaman üshakunata qaykuqnömi qamkunata mandaykä.
Explore Lucas 10:3
Home
Bible
Plans
Videos