Popular Bible Verses from Génesis 28

Share

Noqaqa imaypis qamwanmi kaykäshä. Maypa aywaptikipis noqam rikashayki. Maypitapis kay partimanmi kutitsimushayki. Mana qonqaypam qamta llapan awninqäkunata cumplishä>>.

Tsaynöllam TAYTA DIOSTA escalëra puntanchö ichiraykaqta rikarqan. Paymi nirqan: <<Noqam kä awiluyki Abraham y papäniki Isaac yärakunqan TAYTA DIOS. Kay punuykanqayki pampatam qamta y qampita miraqkunata entregashä.

Punuykanqanpita rikcharkamurmi Jacob nirqan: <<TAYTA DIOSQA rasunpam kaychö kaykan. Kaychö kanqantaqa manam musyarqätsu>>.

Tsaychö Tayta Diosta mañakurmi Jacob nirqan: <<Taytay, kanan aywar alli purimunäpä wallkiykallämay. Mikunäpä y röpata jatikunäpäpis alistapaykallämay. Papänïpa wayinman kawaykar kutimuptïqa qamllam DIOSNï kanki. Kay jawinqä rumim señal kanqa kaychö pïmaypis adorayäshunaykipä. Tayta Dios, llapan bendicionta churamunqaykipitam diezmuta qampä imaypis churamushä>>.

Qampita miraqkunam polvunörä yupaytapis mana atipaypä kayanqa. Tsurikikuna mirarmi maytsaypapis mashtakäyanqa. Qam kaynikipa y qampita miraqkuna kayninpam llapan nación runakunapis bendicionnïta chaskiyanqa.

Ñöpataqa tsay cercanchö markapa jutinmi karqan Luz. Jacobnam tsay markapa jutinta churarqan Bet-el jutin kananpä.