Popular Bible Verses from Gálatas 5

Share

Peru Espíritu Santupa poderninchö kawarmi sïqa kuyanakuntsik, kushikuntsik, alli kawantsik, pacienciakuntsik, qollmi shonqu kantsik, yanapakuq kantsik, awninqantsikta cumplintsik, humildi kantsik y allita ruranantsikpä tantiyakuntsik. Tsaynö kawarqa manam ima leytapis manakaqman churantsiktsu.

Tsaymi nï: Espíritu Santu tantiyatsiyäshunqaykinölla kawayay. Tsaynö kawarqa manam shonquykikuna munanqannö jutsata rurayankitsu.

Espíritu Santupa poderninchö kaykarqa pay tantiyatsimanqantsiknö kawashun.

Jesucristupana karmi unay kawaynintsikta cruzchö wanutsishqana kaykantsik. Tsaymi jutsa ruraykuna yarpaynintsikman shamuptinpis cäsuntsiknatsu.

Llutan yarpaykunata cäsuqkunaqa [majankuna kaykaptinmi jukwan jukwan kakuyan,] fornicación jutsata rurayan, melanaypä kaqkunata rurayan, achachäpakushqa kar penqakuypä jutsata rurayan, ïdulukunata adorayan, runa mayinta brüjutsiyan, runa mayinta chikiyan, rimanakuyan, cëlanakuyan, imallapitapis rabyakuyan, contranakuyan, qarqunakuyan, qallayätsinakuyan, envidiösu kayan, [runa mayinta wanutsiyan,] upyallachö kakuyan, machaskir llutankunata rurayan y tsaynöllam mastapis rurayan. Ñöpata ninqänöllam kananpis nï: Tsaynö kawaqkunaqa Tayta Diospa mandakuyninman manam chäyanqatsu.

Wawqikuna y panikuna, librina kayänaykipämi Tayta Dios qayayäshurquyki. Librina karpis jutsata ama rurayaytsu, sinöqa jukniki juknikipis kuyanakur yanapanakuyay.

Llutan yarpaykunaqa Espíritu Santupa contranmi y Espíritu Santunam llutan ruraykunapa contran. Tsaymi ishkan contranakuyaptin allita rurayta munarpis puëdiyankitsu.

Diospa leyninchömi nin: <<Kikiki kuyakunqaykinö runa mayikita kuyanki>>. Tsay ninqanta cumplirqa llapan leyninkunatam cumpliykäyanki.

Tsaynö kawaykarqa pitapis rabyanätsir ama runa tukushuntsu ni envidiösu kashuntsu.

Jesucristo libramashqam Moisés qellqanqan leykunapa poderninchö kanqantsikpita librina kaykantsik. Tsaynö kaykaptinqa tsay leykunata cumpliyänaykipä obligayäshuptikipis ama cäsuyaytsu.