Popular Bible Verses from ROMA 2

Share

Arawe i kamene, manga anạ u sěmbaụ mal᷊aing měmpẹ̌kẹ̌koạ kal᷊awọu apan ipạngěnsilʼi kamene si sire wal᷊ine! Dingangu i kamene mẹ̌tẹ̌tiněnna u i kamene makatal᷊ang bọu hukumang u Mawu Ruata e? Arau i kamene kai tawe měngarěgang kakěndagʼu Ruata, ringangu kakalạu ral᷊ungu naung ore lai kasěllahu pẹ̌sasabarʼE? Těngadẹ̌ i kamene masingkạu Mawu Ruata e mělahẹu kapian naungʼE ual᷊ingu i Sie mapulu tadeạu i kamene mẹ̌tobatẹ̌ bọu kal᷊awọu rosang kamene.

Ual᷊ingu ene, manga anạ u sěmbaụ kai isai tangu i kau e hakịu i kau mapẹ̌sal᷊an taumata wal᷊ine? I kau tawẹ apang hinong ikapẹ̌tahutěndạ baugu watangengu! U kamagengu i kau kawe mapẹ̌sal᷊an taumata wal᷊ine, kutẹu i kau sěsanu mẹ̌kẹ̌koạbelai kere kẹ̌koateng i sire, ute i kau mělẹ̌hukung u watangengu hala.

Batụu Mawu Ruata e mẹ̌koạ kěbị taumata e mẹ̌sul᷊ung.

Batụu taumata kụ saụ mẹ̌těngkapia ringangu Ruata, bal᷊inewe ual᷊ingu tau ene seng masingkạ u toratu agaman Yahudi kaiso kawe ual᷊ingu mẹ̌kẹ̌koạ apang kụ mạbawohẹ su ral᷊ungu toratẹ̌ e.

U Mawu Ruata e sarung mamal᷊isẹ̌ suapan taumata ituhụ su kakanoạe.

Arawe i sai-saing kětạeng kụkěndagu watangenge ringangu madiri tumuhụ Mawu Ruata, kaiso kawe tụtol᷊e karal᷊akisẹ̌ e, ute i sire ene e sarung makal᷊angehẹ̌ Mawu Ruata marasai.

Kutẹu těmbọ i kamene kawe makakětị dingangu mạdiri měmal᷊ui. Ual᷊ingu ene i kamene hala nakatambang kawěhạe hukumang su Ěllong Kiamatẹ̌ kereu Mawu Ruata e mapakarěntan dal᷊angehʼE ringangu mapakanawong hukumang maadilẹ̌.