Popular Bible Verses from YOHANES 19

Share

Mawu Yesus e naněsụ e akẹ u anggorẹ̌ e, kụ něhengetangu, ”Seng naghanapẹ̌!” Mase i Sie nẹ̌těngkal᷊ein těmbọe kụ napohong.

Mawu Yesus masingkạ u patikụ e seng nasueng koạ e, mědeạu apan seng kạbawohẹ su ral᷊ungu Winohẹ Susi e mariadi, i Sie něhengetangke, ”Iạ e kai narou.”

Ene Mawu Yesus nakasilọ e si ninangʼE ringangu muritʼE kẹ̌kapiaěnge rụdarisị sene, i Sie nẹ̌bera si ninangʼE, ”Inang, ěndaị anạ i Ninang.” Bọu ene Mawu Yesus něhengetang su muritʼE ene, ”Ěndaị i ninangu.” Nanětạ bọu ene muritẹ̌ ene, něnarimạ i ninangu Mawu Yesus nẹ̌tanạ su wal᷊ene.

Piạ i sire nahumpạ u anun Mawu Yesus e, tangu i sire nakasahidị e u i Sie seng napohong. Hatede i sire tawe nisěhụ namědi laedʼE. Arawe sěndihangu Mawu Yesus e nisusụ u wěngko kahian sěngkatau wọu manga sordado ene; kụ nẹ̌boangke raha laụ u akẹ.

Hal᷊ẹ̌ ene nariadị e tadeạu maghanapẹ̌ apang mạbawohẹ su ral᷊ungu Winohẹ Susi, u ”Tawẹ u manga sarang kạdiongeng sěmbua wọu ruhinʼE sarung papẹ̌diang”. Su ral᷊ungu Winohẹ Susi e mal᷊aing kạbawohẹ: ”I sire tangu sarung měmpěmanda si Sie kụ seng tiněkạ i sire”.

Mawu Yesus simẹ̌bangke kạpẹ̌masaěnge kalung kuruisẹ̌ sẹ̌sane sol᷊ong tampạ isẹ̌sẹ̌ba ”Tampạ u Raran Těmbọ”. (Su werang Ibrani isẹ̌sěba Golgota.)

Manga sordado e němpẹ̌koạ e makota wọu manga hakonda piạ larange, mase nipakẹ su těmbọ u Mawu Yesus. Bọu ene i sire němpẹ̌luhẹen lakụ manandụ awạe kamumụ