Popular Bible Verses from Ore i mexü̃ ga Márcu ümatüxü̃ 14

Share

Rü norü yumüxẽwa rü ñanagürü: —Pa Chaunatüx, cuxca̱x rü guxü̃ma natauxcha. ¡Rü nüxna choxü̃ ínanguxuchixẽxẽ i ñaa ngúxü̃ i tá cha̱u̱xca̱x ínguxü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

¡Rü ipedaue, rü Tupanana naxca̱x peca nax pexü̃ nangü̃xẽxẽxü̃ca̱x nax tama choxü̃ ípetáxü̃ca̱x i ngẽxguma guxchaxü̃ pexca̱x ínguxgu! Erü aixcüma peãxẽwa rü ípememare, natürü pexene nixĩ i ngẽma turaxü̃ —ñanagürü.

Rü aixcüma pemaxã nüxü̃ chixu rü guxü̃ i naanewa i ngextá duü̃xü̃gü nüxü̃ íxugügüxü̃wa i ore i maxẽxẽẽruxü̃, rü ngẽma ñaa ngecü chomaxã üxü̃ rü tá ta nüxü̃ nixugügü. Rü ngẽmaãcü tá ngĩxna nacua̱xãchie i duü̃xü̃gü —ñanagürü ga Ngechuchu.

Rü yexguma rü ñanagürü nüxü̃: —Poraãcü changechaü̃ rü chanaxĩ̱xãchiãxẽ, rü nagu charüxĩnü nax ngẽmamaxã tá chayuxü̃. ¡Rü nuxã perücho i pemax, rü ipedaue! —ñanagürü.

Rü yexguma ínachibüeyane, rü Ngechuchu nanayaxu ga paũ. Rü Tupanana moxẽ naxã, rü inanabücu, rü norü ngúexü̃güxü̃ nayanu. Rü ñanagürü nüxü̃: —¡Penayaxu̱x i ñaa paũ! Rü ngẽma rü chaxunechiga nixĩ —ñanagürü.

Rü yemawena nanayaxu ga wüxi ga copu ga bínumaxã ããcuxü̃. Rü yexgumarüxü̃ ta Tupanana moxẽ naxca̱x naxãxíra, rü ñu̱xũchi norü ngúexü̃güna nanaxã. Rü guxü̃ma nawa naxaxegü. Rü ñanagürü nüxü̃: —Daa bínu ya chaugü i muxü̃ma i duü̃xü̃güca̱x ibacüchiga nixĩ. Rü yimáwa Tupana nanango̱xẽxẽ nax aixcüma yixĩxü̃ i norü uneta.

Rü yexguma ga Ngechuchu rü ñanagürü nüxü̃: —Guxãma i pema rü tá choxü̃ ípeta̱xgü. Erü ngẽmaãcü nüxü̃ nixu i Tupanaarü ore i ümatüxü̃ i ñaxü̃: “Tá chayama̱x ya carnéruarü dauruxü̃, rü tá nanaxüanemare i carnérugü”, ñaxü̃.

¡Rü ipechigü, rü ngĩxã ítixĩ! Erü ñomama nixĩ i ngẽma choxü̃ íyaxuaxü̃xü̃ —ñanagürü.

Rü Ngechuchu nanangãxü̃ rü ñanagürü nüxü̃: —Aixcüma cumaxã nüxü̃ chixu rü ñomatama i chütaxü̃gu rü naxü̃pa nax taxree̱xpü̱xcüna yacaxü̃ i ota, rü tomaepü̱xcüna tá cugü quixã nax chorü duü̃xü̃ quixĩxü̃ —ñanagürü.