Popular Bible Verses from Popera ga Yudíugü ga yaxõgüxü̃ca̱x ümatüxü̃ 12

Share

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃! ¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Rü taxúema tataãẽgü namaxã i wüxi i ucu̱xẽ, erü tüxü̃́ nangu̱x. Natürü ngẽxguma mea naga ixĩnüegu rü wüxi i ngü̃xẽxẽ nixĩ nax mea imaxẽxü̃ca̱x rü mexü̃ ixügüxü̃ca̱x.

¡Rü naxca̱x peda̱u̱xgü nax guxü̃ i duü̃xü̃gümaxã pemecümaxü̃! Rü ngẽxgumarüxü̃ ta name nixĩ i naxca̱x pedaugü nax Tupanape̱xewa pexüünegüxü̃ca̱x. Erü yíxema tama Tupanape̱xewa üünexe rü taxũtáma tórü Corixü̃ tadau.

Rü name nixĩ i nagu perüxĩnüe ga yema Ngechuchuxü̃ ngupetüxü̃ rü ñuxãcü yáxna namaxã nax naxĩnüxü̃ ga yema naxchi aiexü̃ ga pecaduã̱xgüxü̃ ga ngúxü̃ nüxü̃ ingexẽẽgüxü̃. Rü ngẽmaca̱x i pema i ñu̱xma rü tama name nax nüxü̃ perüchauexü̃ rü nüxü̃ perüxoexü̃ nax nüxü̃́ peyaxõgüxü̃.

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Rü ngẽmaca̱x i pemax, rü name nixĩ nax yáxna namaxã pexĩnüexü̃ i ngẽxguma Tupana pexü̃ iyarüwe̱xãchixẽẽgu. Erü ngẽmaãcü pexü̃ nüxü̃ nacua̱xẽxẽ nax aixcüma naxacügü pixĩgüxü̃. Erü guxü̃ma i papa rü inanawe̱xãchixẽxẽ i ngẽma naxacü ixĩxü̃.

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Rü tanatügü rü ñaa tórü maxü̃ i nuxuxü̃wa tüxü̃ taxucu̱xẽgü nax tüma tanaxwa̱xegüxü̃ãcüma imaxẽxü̃ca̱x. Natürü ya Tupana rü tórü mexü̃ca̱x nixĩ i tüxü̃ iyanawe̱xãchixẽẽxü̃ nax naxrüxü̃ ixüünegüxü̃ca̱x.

Rü ñu̱xma i pema nax peyaxõgüxü̃, rü ngúxü̃ pingegü erü pecaduxü̃ perüxoe. Natürü taxúema i petanüwa rü ngẽmaca̱x yuwa tangu.