Popular Bible Verses from Norü taxre ga popera ga Coríntiuwa yexmagüxü̃ ga yaxõgüxü̃tanüwa namuxü̃ ga Pauru 9

Share

Rü Tupana rü nüxü̃́ natauxcha nax mea pexna naxããxü̃ca̱x i norü ngü̃xẽxẽ, nax guxü̃guma pexü̃́ nangẽxmaxü̃ca̱x i ngẽma pexca̱x mexü̃ rü naétü nax pexü̃́ íyaxüxü̃ca̱x nax togüxü̃ namaxã perüngü̃xẽẽgüxü̃ca̱x.

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!

Tupana nixĩ ya tüxna naxãcü ya nanetüchire nax inatoxü̃ca̱x, rü tüxna naxãcü i õna nax nangṍxü̃ca̱x. Rü nüma tá nixĩ i pexna naxããxü̃ ya guxü̃nema ya nanetüchire ya penaxwa̱xene nax ipenatoxü̃ca̱x. Rü nüma tá nanaxüxẽxẽ rü nanayaxẽxẽ ya ngẽma nanetüchire. Rü tá nanamuxẽxẽ i norü o, nax muxũchixü̃ nawa peyaxuxü̃ca̱x nax ngẽmamaxã togüxü̃ perüngü̃xẽẽgüxü̃ca̱x. Rü ngẽmaãcü i pema rü tá pexü̃́ nangẽxma i guxü̃ma i mexü̃ nax tauxchaãcüma nüxü̃ perüngü̃xẽẽgüxü̃ca̱x i togü. Rü ngẽxguma ngẽma taenexẽgü i Yudéaanewa ngẽxmagüxü̃xü̃tawa ngĩxü̃ tangegügu i ngẽma diẽru i naxca̱x ngĩxü̃ ipexãcü, rü nümagü rü tá poraãcü Tupanana moxẽ naxãgü ngĩxca̱x.

Rü ngẽmaca̱x i ñu̱xma rü Tupanana moxẽ taxã, yerü tüxna nanamu ga Nane nax tórü ãmare yixĩxü̃ca̱x. Rü nataxuma i ore i nagu mexü̃ nax nüxü̃ ixuxü̃ca̱x nax ñuxãcü namaxã itaãẽgüxü̃ i ngẽma ãmare ya Tupana tüxna ãxü̃.