Popular Bible Verses from MATIYUS 2

Share

Li-ahli bintang jareya maso' ka dhalem bengko jareya pas nangale'e kana' jareya ban Miriyam, ebuna. Reng-oreng jareya asojud nyemba ka kana' jareya, pas mokka' baddhana dhi'-andhi'na, sarta pas ngatorragi emmas, mennyan ban emmor.

Isa lahir e kottha Betlehem e nagara Yudea e jaman pamarenta'anna Rato Herodes. E bakto jareya badha li-ahli elmo bintang dhari Temor entar ka Yerusalim. Reng-oreng jareya e man-dhimman anya-tanya, “E ka'imma kalenggiyanna na'-kana' se gi' buru lahir se bakal jumennengnga ratona oreng Yahudi ka'issa'? Kaula padha nengale bintangnga kalowar e temor, daddi kaula padha entar ka'anja asojuda ka Salerana.”

Li-ahli bintang jareya pas mangkat. Bintang se sabellunna jareya etangale'e e temor, sateya etangale'e pole. Reng-oreng jareya ce' peragga polana nangale'e bintang jareya! Bintang jareya ajangadha'i reng-oreng buru, pas ambu teppa' e attasanna kennengnganna kana' jareya.

Allah maemot reng-oreng jareya e dhalem mempena sopaja ja' abali ka Herodes. Daddi reng-oreng jareya pas mole lebat jalan laen. Saellana li-ahli bintang jareya mangkat, malaekadda Pangeran ngaton ka Yusup e dhalem sopennana. Malaekat jareya adhabu, “Herodes andhi' maksod nyareya kana' jareya epateyana. Daddi mara ba'na jaga, giba kana' jareya ban ebuna ngongse ka Messer. Ba'na terros neng e dhissa' gallu sampe' sengko' aberri' kabar pole ka ba'na.”