Kukhona indlela ebonakala sengathi ilungile kumuntu,
kepha ukuphela kwayo kuyindlela yokufa.

Inhliziyo ezolileyo ingukuphila kwenyama,
kepha umhawu ungukubola kwamathambo.

Owephuza ukuthukuthela unokuqonda okuningi,
kepha isififane siyaphakamisa ubuwula.

Owesifazane ohlakaniphileyo uyakha indlu yakhe,
kepha oyisiwula uyayidiliza ngezandla zakhe.

Ekumesabeni uJehova kukhona ithemba elinamandla;
abantwana bakhe bayakuba nesiphephelo.

Ukumesaba uJehova kungumthombo wokuphila,
ukuze kudedwe ezingibeni zokufa.

Ohlakaniphileyo uyesaba,
udeda ebubini,
kepha isiwula siyaqhosha,
singanaki lutho.

Popular Bible Verses from IzAga 14

Free Reading Plans and Devotionals related to IzAga 14