Popular Bible Verses from MATIUS 15

Share

Mene re, wene inambeba nen wulafarek andi re, inendawimo nen kagalogo lagai wagarek andi nenat inebe weagerinaferego. Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

’Allah nen he, it afuni yoma re, we, inambeba nen an fogetnafi logolik, inendawinggen oba nen he an noba ebeti'lek ale'ma meneba ebesi lili'lagwi. Wene afuni inane meneat he, an nen yagaisugu mene hakhogo yagaisili'lagwi andi nen he, we tulemat fogetnabi'lagwi o, iluk isikhemo, Yesaya nen lisu palogo fesikhemo werek andi, hit faget higithogoat isikhe,’ ” iluk yagaisasikhe.

A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

A'nogo yagaisasikhemo werek kwelek, at he a'nogo Yesus oba wagaikhesik he, eindep awi yagaisogo hai wati logolik mel yagatikhe: ”Eigo! Noe. Fano higitne'nogeno,” iluk ane elagaik ane yagatikhemo, at Yesus nen he, ”Yenggerugwi inamburu mene telogo waluk, mene noageluk hugisamo elo'lego,” iluk yagatikhe. A'nogo yagatikhemo, at he a'nogo nen he, ”I Noe. Eberogoat egen meneat he, at amene eisewerek andi sumburu e meja talek oba nunggunem, enggen weagarogo kweangma pikhe halok he, mene andi nen ninggeregaro,” yagatikhe.