Popular Bible Verses from Luk 8

Share

Kaunah di minik balna sau yamni yakat bubukna kidika laih, muih balna isningna yamni karuk yul yamni kidika dakawi laihwi yayamwa kidika ki, dawak kidika yakat barangni laihwi duwi minik yamni yayakwi.

Di minik balna wakal pasyakat bubukna kidika laih, yul yamni dakakawa balna kidika ki, kaunah tani tani kulwi kalbaunin balna, sau ritsni balna dawak dukih lani balna kidika yaklau diyayamwakat minik yayakwas kidika ki.

Di minik balna kipala walsah yakat bubukna kidika laih yul yamni dakawi duduwa kidika ki, kaunah riknina dis kidika; ma parahni manah rahm kukulwi kaunah traini talnin mani kat bubukwi.

Usnit kat disaipil balna yakat diyulna: —¿Manna rahm kulnin lani dutamana kidika angkatdanayah? Kaunah witingna laih muihsakdauwi dawak bik yamni talwi, biri biri aput yulwi dakakana: —¿Adika muihni waispah, wing yakat dawak was yakat yamnin diyulwakat yulni kat dakawi yayamwa kidika?

dawak di minik balna ta yaihnit yakat bubukna kidika laih, muih balna yul yamni dakakawa kat sitan kaiwi isningna kaupak yakwa kidika ki, rahm kukulwas atninna dawak bik dilaihwi yakwas atnin.

Sihm kaput bik, di as bik malni yakat diski amanglawas atnin, dawak di as bik malni kau diski ahni lāih yakat kalahwas atnin.

Yal kidika laih yakmaldinin sip awaskat, kalyukwinah kiwi Jisas kalnisar yakat limbabahna dai. Muih balna bitik muhnina yakat kalyulna dai ais yulni kaput sukna kidika, dawak bik amput yamni kalyamna dai kidika. Jisas yaklau kalyulna: —Yang walakibis yal, man rahm kulnin lani dutaman kidika yulni yamni mayamna. Kulnam alasna yawah.

Bahang Jisas yakat uiwi uswi sahmuhwi aput kalyuyulna: —¡Sumalyang! ¡Sumalyang! ¡Was pasyakat mahamawi! Jisas laih yaklauwi wing yakat dawak was lalamwa balna yakat yamnin diyulna, dawak bitik laih laihwatwi yamni kalnadai.