Popular Bible Verses from Luk 5

Share

Yulbauwi dana mani kat, Saiman yakat aput kalyulna: —Kuring adika was tuhni yakat duyawah, dawak kidika yakat waspa dini laihtamana dini balna kidika ruhmtanauh.

Saiman yaklau nangnitlana: —Sumalyang, yangna pukta naini bitik yakat wark alahwanayangna kaunah di as bik yaktasyangna; kaunah man lawa yamnin yultaman bahang, waspa dini laihnin dini balna kidika ruhmki ki. Witingna kaput yayamna mani kat, waspa dini mahni lalaihwakat waspa dini laihnin dini balna kidika dakyamna dai.

Kaunah Jisas laih pa balna muih dis yakat kiwadai minityulna atnin.

Yang laih muih yayamni balna yakat diyulna aiwasyang, kaunah dutni muihni balna yakat diyulna aiwanayang, Papang yakat wiryaklana atninna.

Kidika tatalna mani kat, Saiman Pita laih Jisas muhni yakat limbabahwi aput kalyulna: —¡Dawan yang kaupak naikau alahwah, kat yang laih dutni yamyang muihni as yang!

Jisas yaklau nangnitnalana: —Muih muihnina yayamni balna kidika laih daktar dukih diawaski, kaunah siknis muihni balna kidika laihtakat.

Bahang kuring balna kidika sau buhni yakat mur'ilwi, dinina balna bitik damukwi Jisas usnit uhuina dai.

Ma as kat Jisas witing tawan as kau sakkat, pilau duyang muihni as kiwi kanadai; witing Jisas yakat talna mani kat, sau yakat abukwi aput yulwi kalnidinit bukna dai: —Dawan, man dukih mawakat, sipman yang sikkinis kaupak maisihnidis yayamnam. Jisas tingni kau sukna aput yulwinah: —Yang dukih yawi. ¡Maisihnidis alahwanaman! Kidika minitni yakat siknis muihni kidika pilau dis kalnadai

Kaput bik, Jisas ayangni kidika laih ma balna bitik yakat makau yaklauwadai, dawak muih balna mahni kalududuhwadai witing sumalwa kidika dakana atnin dawak sikninanis kaupak bik yamni diyamna atnin yulni.