Popular Bible Verses from Apocalipsis 5

Share

De bɨngulqui ruulddeb tuby cant cuby ni rnii: Laabiu riáldbiu icáabiu guiitsquɨ ne idzɨcábiu de sei ni guiidyni. Te pur laabiu gutybiu ax cun rɨny xtenbiu ni bxíibiu gudillybiu pur iralote bniety par gacdeb xpɨny Dios, quɨt xi gúnti xi diidx rueedeb, o calí lo family, o calí guɨdx, o xi lo nacionza zádeb.

Chiy quesentiand diip rniideny: Corder ni gutyqui riáldquɨpacny gapny guelrnabee, riáldquɨpacny gapny de guelnazaac, guelnán, juers, didxdoo, diidx zaac ne izubyaanny.

Laabiu baanbiudeb tubyzi lo guelrnabee xtenbiu ne baanbiudeb de bxoz par Xtadnɨ Dios, chiy laadeb inabeedeb lo guɨchliu.

Chiyru bindiaga rsee irate de ni banchuu Dios, zeclɨ de ni nuu llayabaa, lo guɨchliu, láani guɨchliu ne lo nisdoo, rniidengui: Laany ni zubny lo yallily xte guelrnabee ne Corder xtenny, par laadeny ná: Didxdoo, diidx zaac, guelrnabee ne izubyaandeny iduibtiampte ne par chazy.

Chiy tuby de bɨngulqui gunii nare: —Quɨtru ruunu. Bguiaa canioo, anuu tuby ni riáld ixal lo guiitsqui ne idzɨcány irate gadz seiqui pur ni abaanny gan lo irate, laany ni nány zecpacza tuby lióny lo xfamily Judá pur guelrnabee ni napny, laany ni zány lo xfamily rey David.