Popular Bible Verses from Matéo 2

Share

E ore chacája guiguíjnai ajei enga ore chimo disabi, daté María ore iji. Enga udore ore chichaga dagataidie aja suté iquei. Mu jĩraque ore chuchẽre daborapíode gáyode ujetiga ore chisi ome deranone cucha ome suté. Enga ore gueranone u óro, cucha ai unérone uje i tu inciénso, mírra ore.

Uje Jesús e basíji guidai Belén iji ore uniri Judéa nanique, ga Heródes qué déji dáringai eduguéjna cuchape iji ore uniri uté. Iji Jesús uté batigai quigade enga guédodie irajasóningo ore chise idai cuchábi Jerusalén. Enga udore ore tṍraji punire quedéjnai iji guedé garani. Enga ore catecã́ri jerusaléngosode enga ore chojninga: –¿Jé disabi idánique a uje chi basosíji duruñeque? Uje israélgosode chi ore eduguéjna cuchape suté jne. E yimóngo gãrapié guédo iji guedé garani diríca. Enga yoquigaidi tu ujetiga yẽcója ome úringai cuchape.

Uje ore chimo guédo uje cha, enga guédo irajasórone ore nína raque uje ore chiraja gu uje e ore chise daqui.

Diga Dupade chiqueta raja ore iji ore imoi enga chojninga: –Ajníño jne enga oyo carúja uacaniri. Enga ayóyo Heródes gai jne. Mu angaráño uacajnatique dajeque jne ome uacajnaque baja casica.– Uje guédo irajasórone e ore jno, enga Dupade iroi gaté unirísõre chiqueta raja José iji imoi. Enga chojningame uté: –Heródes jmongarásija disabi. Pota chujési. Jecute ãriji jne enga bosi disabi, daté ore údi jne aja ore uniri Egípto. Enga ayáyoji ta to jne, jé aja ujetiga yujuégapo arorai ome uaque rĩ.