Popular Bible Verses from Matiye 6

Share

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

«Yeenn a, əjəje tar mba nɛ̂n kə̂ bara ang. Mba bara njaa a sangə nɛ̂n laa bbay. Ndɔ kâra kâra to kə ndoo laa kə̂ ta koo.»

«Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm nɛ̂n-kayse ang ddəm, əjəje tar da-rɔse mba kubbu kə̂ ta kula ang. Təbbə ləse ngəng uta nɛ̂n-kusa ddəm da-rɔse ngəng uta kubbu ddəm ang wa?

A əi, bbo a ta duju Lubba a, aw mə kəy tə̂ ləi, utu ta-kəy bba ə-duju Lubba lo-kiyɛ̂ tə̂. Bɔije Lubba kə̂ aw oo nɛ̂n kə̂ to lo-kiyɛ̂ tə̂ le a kukai.

«Maji karə ə-dujuje Lubba tokə be: Əi, Bɔjeje kə̂ isi mə dara tə̂, Maji karə dəwje bbəəlje rii. Arə kɔn-mbay ləi ddee! Maji karə dəwje ddaje nɛ̂n kə̂ məi ndiki dɔ nangə tə̂, tokə ye kə̂ darâ.

Arəje nɛ̂n-kusa taje kə̂ bbokənɛn.

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

«Mba bbo ɔruje tar dɔ dəwje tə̂ kə̂ ddaje nɛ̂n kə̂ maji ang kə se a, Bɔsese kə̂ isi darâ a kɔru tar dɔse tə̂ tɔ.

Ooje əəlje kə̂ darâ. N̂-dubbuje nɛ̂n ang ddəm dujaje ko-ndɔɔ ang ddəm n̂-mbɔnje nɛ̂n-kusa damâ ang ddəm. A Bɔsese kə̂ darâ aw ngəmde kə nɛ̂n-kusa. Gatəse uta gatə əəlje ang wa?

«Ə-mbɔnje nɛ̂n-kingaje kə dɔ naan tə̂ duninya tə̂ nəənn ang, mba duninya tə̂ nəənn, sɔlɔlɔ kə mbɔrkasɛ a tujuje nɛ̂n-kingaje le ngaâ njê-bbokoje a tətə ta-kəy mba bboko. A maji karə ə-mbɔnje nɛ̂n-kingaje kə dɔ naan tə̂ darâ, mba dara to lo kə̂ sɔlɔlɔ a kɔn nɛ̂n tə̂ ang ddəm nɛ̂n a kuwa mbɔrkasɛ tə̂ ang ddəm njê-bbokoje kara a tətə ta-kəy mba bboko nɛ̂n tə̂ ang ddəm. Mba lo kə̂ nɛ̂n-kinga ləi to tə̂ a, məi a to tə̂ tɔ.»

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Bbo Lubba ula kubbu kə̂ kura kakəje kə̂ muû kə̂ toje bbokənɛn nəənn ngaâ puru a kɔnde bara a, sese, nâ dda kə se karə uta yeenn ang wa? See njê kə̂ mə-kunn ləse ngaji baa!

A bbo arə nɛ̂n nje-ndoo kə jii kə̂ kɔl a, arə jii kə̂ gəl gərə ang. Yeenn bba nɛ̂n kə̂ arə le a to lo-kiyɛ̂ tə̂. Yeenn bba Bɔije Lubba kə̂ oo nɛ̂n kə̂ to lo-kiyɛ̂ tə̂ le a kukai.»

«Aaje rɔse! Kar tə̂ kə̂ aw ddaje nɛ̂n kə turu Ndu lə Lubba a, ə-ddaje nɛ̂n le mba kəm dəwje ang. Bbo ə-ddaje nɛ̂n le mba kəm dəwje a, Bɔsese kə̂ isi darâ a kukase ang.

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban. A əi, bbo ɔku rɔi nɛ̂n-kusa a, ə-toko kəmi, ungu yambo dɔi tə̂. Baann bba karə dəwje gərəje to aw ɔku rɔi nɛ̂n-kusa ang. A arə Bɔije kâra baa njaa kə̂ ee lo tə̂ənn kə̂ dəw asə kooe ang â gərə. Bɔije kə̂ aw oo nɛ̂n kə̂ to lo-kiyɛ̂ tə̂ le a kukai.»