Popular Bible Verses from Génesis 4

Share

Otiwanö omukwatö ötjö weti̧ a̧ja̧kwö kwiyitjö̧ma ökwönöbi otiwanö chedena. Jo̧kwaijayonö sulabenö omukwatö ötjö weti̧ a̧ja̧kwökönö kwö̧jitjö̧ma sulabema ökwönö juluwena. Jao, sulabema labo̧ ite'ada̧li̧danö wanekwachobe, jojonö ujuluwobö. Caín, sulabe wei̧ma kwujuluwo, ötjö weti̧da a̧ja̧kwö— jö̧ba̧lijetö Isabenö Jo̧ma Caínnöma.

Ja̧danö, Setma pöe baibena ilekwonö emijetö. Ja̧danö itji̧nö 'yabebijetö. Jo̧banö Enós, jöba̧lö midijetö. Ja̧danö, Enós öbötjachina tupakwö jojodöma ajayinö Isabenö Jo̧nö ösödö ko̧ko̧kwijadötö.

Ikenama Isabenö Jo̧ma abebö a̧ja̧kwijetö Caínnö: —Caín ¿daida kwöjawo̧ Abelma? Jejenö abebö a̧ja̧kwökwe: —Wajwita. ¿Chöjawo̧nö te'ada̧lakwawa jojo baibanö chö̧jobeji̧ ötjöma?— atadijetö Caínma.

Ikenama Isabenö Jo̧ma abebö a̧ja̧kwijetö: —Caín ¿Tajawedö sulabenö ja̧köbaja̧da? Kwöjawo̧ ökwösobu ebawö nijinö 'dukwibajabe. 'Dukwibajobu chedemi jo̧ba jwöeba̧lobedanö nijitjö ökwöa ötjönöma, Lȩbebinö balekwa mikwa, jö̧ba̧lö̧— jö̧ba̧lijetö—.

Jejenö jö̧a̧lijayonö atadijetö Isabenö Jo̧ma: —Jejenömaö̧kö̧ Caín— atadijetö—. Jweinö yötawa: Jelo̧ ökwönö kwabö loitjö̧ma jo̧banö jwiinö balekwa mikwa lȩtebakwo̧sa. Isabenö, ökwönö lȩtebemitjö̧ jwiinö o̧penönö lȩtebena jo̧banöma, jelemutjö̧ dötölataja jawa baibanö— jö̧ba̧lijetö Isabenö Jo̧ma Caínnöma. Ikenama seyudanö wȩyudö lödijetö Caínnö, ju'wedö jo̧banö seyudanö wȩyudi̧ edinö tjöwaisakobetjö̧, bitenö kwabö lodokobö jo̧be, jö̧ba̧lö.