Popular Bible Verses from BAEFESO 5

Share

Ke gone nnang baetsi ba Modimo, jaaka bana ba ba rategang. Lo sepele mo loratong, fela jaaka Keresete le ene a lo ratile, a intshetsa rona, a nna tshupelo le setlhabelelo Modimo, tse di isediwang go nna lonko lo lo monate.

Ke gone, lo lebe thata ka fa lo sepelang ka teng, e seng jaaka ba ba seng botlhale, mme jaaka ba ba botlhale, ka go swela lobaka molemo, ka metlha e, e bosula.

Se tagweng ke bojalwa, ka bo na le tlhapeo, lo tladiwe ke Mowa. Lo buisanye ka dipesalema, le difela, le dipina tsa semowa, lo bina, lo opela, lo kotekeletsa Morena ka dipelo tsa lona. Lo leboge Modimo, e bong Rara, ka metlha yotlhe, ka ga dilo tsotlhe mo ineng la Morena wa rona Jesu Keresete.

Ke gone se nneng boeleele, mme lo tlhaloganye go rata ga Morena, gore ke eng.

Banna, ratang basadi ba lona, fela jaaka Keresete le ene a ratile phuthego, mme a intshetsa yone

Gonne lo kile lwa ne lo le lefifi, mme jaanong lo lesedi mo Moreneng. Sepelang jaaka bana ba lesedi

Lo ineelane mo poifong ya ga Keresete.

Basadi ba lo nyetsweng lo ineeleng mo banneng ba e leng ba lona, jaaka e ka bo e le mo go Morena

Le fa go ntse jalo le lona a mongwe le mongwe wa lona a rate mosadi wa gagwe fela jaaka a ithata, le mosadi a ipone, gore a tlotle monna wa gagwe.

Ke gone ka moo, monna o tlaa tlogelang rraagwe le mmaagwe, a ngaparela mosadi wa gagwe; mme bobedi jo e tlaa nna nama e le nngwe fela.

Lo se ka lwa nna le bolekane le ditiro tsa lefifi tse di se nang loungo, mme bogolo lo di kgalemele.