Popular Bible Verses from MALAKIA 3

Share

Koutou aumai ki te fale tanaki koloa te u vaega hogofulu fuli, O tupu ke i ai he meakai i toku fale; Koutou ahiahii au i te mea aia, E ui e te Eteleno o te atu fua tau. Pea e koutou sio anai pe e mole au avahi anai Kia koutou te u matapa o te atu lagi, Pe e mole au liligi anai kia koutou te tapuakina o lahi osi.

Kia koutou e au valoki anai ae e kai, Pea e mole ina maumaui anai te u fua o te kele, Pea e mole paa anai te vite i okotou ulu fenua, E ui e te Eteleno o te atu fua tau. E ui anai e te atu puleaga fuli kia koutou, manuia, Koteuhi e koutou liliu anai ko he fenua o te u mea lelei, E ui e te Eteleno o te atu fua tau.

E natou liliu anai ko taku hahai, e ui e te Eteleno o te atu fua tau, E natou liliu anai ko toku koloa mauhiga, I te aho ae e au teuteui. E au ofa anai kia natou, O hage ko he tagata e ofa ki tona foha ae e tauhi kia ia. Pea e koutou toe sio anai ki te kehekehe O te tagata agatonu mo te tagata agakovi, O ae e tauhi ki te Atua Pea mo ae e mole tauhi kia ia.

Koeni, e au fekaui leva taku tagata avelogo; E ina teuteui anai te ala i oku mua. Pea fokifa pe e ulu leva ki tona fale tapu te Aliki ae e kotou kumi; pea ko te tagata avelogo o te hai ae e koutou holi ki ai, koeni, e hau ia ia, E ui e te Eteleno o te atu fua tau.