Popular Bible Verses from Apocalípsis 8

Share

Rölluchö qanchis kaq laqaraykaq sëlluta Cordëru jipiskiptinmi ciëluchö pullan höranö pipis parlayarqantsu.

Punta kaq ángel cornëtata töcamuptinmi ninawan yawar tallushqa runtu tamya kay patsaman shikwamurqan. Tsaywanmi cäsi pullan kay patsa rupar ushakarqan. Tsay runtu tamya chanqan kaqmi jachapis qewapis llapan ushakarqan.

Tsaypitanam juk pitsak altuchö tumaykaqta rikarqä. Tsay höram tsay pitsak jinchi nimuqta wiyarqä: <<¡Allaw, allaw, allaw! Patsachö kawaqkuna ¡imanöraq kayanqa! ¡Kimsa angelkunaraqmi cornëtata töcayämunan faltan!>>

Tsaypita ishkay kaq ángel cornëtata töcamuptinmi jatun jirkanö rupaykar lamarman tallpurqan. Tsaymi cäsi pullan lamar yawarman tikrarqan.

Kimsa kaq ángel cornëtata töcamuptinmi jatun rupaykaq qoyllur shikwamurqan. Tsay qoyllurmi cäsi pullan mayukunaman y cäsi pullan pashtaq yakukunaman shikwarqan. Qoyllurpam shutin karqan Ayaq. Ayaq kaptinmi tsay qoyllur chanqan kaq yaku ayaqman tikrarqan. Tsaymi tsay yakuta upyaq kaqkunaqa maytsikaq wañuyarqan.

Chusku kaq ángel cornëtata töcamuptinmi rupaywan killapis qeshyarqan. Tsaymi rupaypis ni killapis shumaq atsikyämurqannatsu. Tsaynöllam cäsi pullan qoyllurkunapis atsikyäyarqannatsu.