Popular Bible Verses from Apocalípsis 5

Share

Paykunam mushuq alabanzata cantarnin Cordëruta alabar niyarqan: <<Qamllam poderösu kanki tsay rölluta chaskiskir kichanaykipaq. Qammi runakuna rayku wañushkanki. Yawarnikita jicharmi Dios Yayapaq runakunata rantishkanki. Tsaymi runakunata Dios Yaya salvashqa pï casta kayaptinpis, ima idiömata parlayaptinpis, may markachö täkuyaptinpis y may nacionpita kayaptinpis.

jinchi niyarqan: <<¡Runakuna rayku wañutsiyanqan Cordëruqa alläpa poderösum! ¡Paymi llapan imayka kamanqankunapa ämun! ¡Paynöqa manam ni pipis yachayyuq kantsu! ¡Llapan kawaqkuna payta imaypis alabaykuyällätsun!>>

Diosnintsikpa poderninchö kayänanpaq y serviqnin sacerdöti kayänanpaqmi churashkanki. Paykunam patsachö mandakuq kayanqa>>.

Tsaynöllam wiyarqä ciëluchö, kay patsachö, patsa rurinchö y lamar rurinchö kaykaqkuna y Dios Yaya llapan kamanqankuna alabarnin niyaqta: <<¡Trönuchö jamaykaq Dios Yaya y lädunchö kaykaq Cordëru imayyaqpis alabashqa kaykullätsun!>>

Tsaymi ishkay chunka chusku (24) mayor runakunapita juknin nimarqan: <<Ama waqaytsu. <Judá trïbupita yuriq León> ninqan runam Satanásta vencishqa. Paymi poderösu kaykan qanchis sëlluta jipiskir rölluta kichananpaq. Payqa rey Davidpita miraqmi kaykan>>.